Fushata

23.06.2008 Qendra EDEN (Qendër mjedisore për Zhvillim, Edukim dhe Rrjetëzim) në bashkëpunim me Ambasadën Amerikane dhe me Bashkinë Tiranë, organizon një fushatë pastrimi në Bllokun pas Ish-Ekspozita ‘Shqipëria Sot’ në Tiranë.

19.09.2007 Të enjten duke filluar nga ora 14:00 Organizata ÇOHU! dhe partnerët e saj në Koalicionin Shoqëria Civile për Një Parlament të Pastër do të bëjnë një protestë para Agjensionit Kundërkorrupsion të Kosovës (AKK) me qëllim që të ftojë këtë institucion të respektojë ligjin duke i hapur për opinion formularët e pasurisë së zyrtarëve publik.

27.03.2007 Pas indikacioneve se Partia Demokratike (DS) dhe Partia Demokratike e Serbisë (DSS) së shpejti do të mund të arrinin një marrëveshje për Qeverinë e re, ku Vojislav Koshtunica do të vazhdonte të mbante postin e kryeministrit, disa OJQ në Serbi u kanë bërë thirrje qytetarëve që t’iu bashkohen fushatës së tyre “Veto Koshtunica”.

30.11.2006 Në kuadër të fushatës sensibilizuese botërore për të drejtat e grave, Komuna e Prishtinës, në bashkëpunim me OSBE-në dhe Agjencinë për Barazi Gjinore pranë Zyrës së Kryeministrit, ka filluar organizimin e debateve kundër dhunës gjinore.

24.11.2006 OJQ INTEGRA në bashkëpunim me UNICEF-in në Prishtinë, Komitetin Kosovar për AIDS dhe me shumë partnerë tjerë, lokal dhe ndërkombëtarë, vazhdon punën agresive kundër HIV/AIDS. Gjatë periudhës 27 Nëntor 2006 – 05 Dhjetor 2006, me qëllimin kryesor global për parandalimin e HIV/AIDS, INTEGRA do të implementojë projektin “Stop AIDS. Mbaje Premtimin!” në 10 komuna të përzgjedhura për këtë projekt. Dita Ndërkombëtare Kundër HIV/AIDS, 1 Dhjetori 2006, do të shënohet në Prishtinë.

29.04.2006 Shoqata ”Intelektualët e rinj, Shpresë“ (IRSH), Lëvizja MJAFT, në bashkëpunim me Bashkinë Shkodër si dhe me mbështetjen e Firmës „BERTONI“ si dhe Hotel Argenti - Velipoje do të organizojnë me datën 30 Prill – 1 Maj 2006 në plazhin e Velipojës në Shkodër, një aktivitet masiv rinor me moton:“Jeto i gjelbërt“.

19.04.2006 Gjatë muajit maj, Lëvizja Mjaft! do të angazhohet në një fushatë kombëtare në mbrojtje të mjedisit, duke synuar që të:

(I) rrisë ndërgjegjësimin e qytetarëve dhe interesin e tyre mbi problemet e mjedisit;
(II) të ndryshojë sjelljet e njerëzve dhe të nxisë qëndrime pozitive kundrejt ambjentit;
(III) të mobilizojë komunitetet në ndërmarrjen e aksioneve vullnetare për të mbajtur pastër qytetet e tyre;
(IV) të lehtësojë dialogun mes qytetarëve dhe institucioneve për të rritur pjesëmarrjen publike në vendim-marjen mbi çështjet e ambjentit.

17.03.2006 Sot, zyrtarisht fillon zbatimi i fushatës “Ta ruajmë dhe ta mbrojmë trashëgiminë kulturore në Kosovë” e cila do të zbatohet nga ana e Ministrisë së Kulturës, Rinisë, Sporteve dhe Çështjeve Jorezidente. Fushata në fjalë, organizohet në kuadër të plotësimit të Standardit 6A i cili ka të bëjë me Trashëgiminë Kulturore.

04.03.2006 Në debatin e organizuar dje në mjediset e Fakultetit Filozofik nga Organizata për Demokraci Anti-korrupsion dhe Dinjitet, “Çohu” me temën “Korrupsioni në Universitetin e Prishtinës” u tha se ky Universitet nuk është imun ndaj korrupsionit. Në debat morën pjesë përfaqësues nga Ministria e Arsimit Shkencës dhe Teknologjisë, Rektorati i Universitetit të Prishtinës, përfaqësues të organizatave studentore si dhe studentë të shumtë.

28.02.2006 Drejtuesit e Galerisë së Arteve të Kosovës (GAK) si vazhdimësi e kërkimit të drejtës për objektin e ish-hotelit “Union” i cili gjendet në qendrën e ngushtë të kryeqytetit të Kosovës, dje (e hënë) kanë vënë një pano të pëlhurës afro katërmetërshe në objekt në të cilën paraqitet Rregullorja 2003/13 - Mbi Transformimin e së Drejtës për Përdorimin e Pronës së Patundshme Shoqërore.

24.02.2006 Qendra mjedisore “Eden”, Bashkia e Tiranës, OSBE-ja, Ambasada amerikane dhe Drejtoria Arsimore (DAR) e qarkut të Tiranës, kanë zhvilluar ditët e fundit në mjediset e shkollës 9-vjeçare “Naim Frashëri”, fillimin e fushatës për riciklimin e letrës nëpër mjediset e shkollave të kryeqytetit. Të pranishëm në këtë veprimtari ishin përfaqësues nga shkollat e kryeqytetit, nga tri drejtori të Bashkisë së Tiranës, nga departamenti i mjedisit të OSBE-së, specialistë nga DAR, si dhe qendra “Eden” me grupin e saj të vullnetarëve.

15.02.2006 Mitrovicë – Nga paslufta në Kosovë kanë ndodhur 139 raste të trafikimit të njerëzve, është thënë të martën në një debat në Mitrovicë, të organizuar nga OJQ “Mundësia” në kuadër të një fushate kundër trafikimit.

21.12.2005 Qendra për Nisma Ligjore Qytetare, nga dt. 15.12.05 ka nisur zbatimin e një programi të ri lidhur me rritjen e aksesit të Gruas në sistemin e Drejtësisë, duke ofruar ndihmë ligjore dhe psiko-sociale falas për gratë e vajzat e dhunuara, ose që nuk kanë mjete të nevojshme financiare për të patur një avokat. Ky program i ri, i financuar nga Ambasada Hollandeze në Tiranë, ju fton të ndihmoni me sugjerimet tuaja dhe të bashkëpunoni për të gjitha aktivitetet e parashikuara.

09.12.2005 Global Response fton qytetarët e mbarë botës që të shkruajnë letra të njerëzishme zyrtarëve të Kombeve të Bashkuara duke kërkuar veprim të menjëhershëm për të boshatisur kampet e kontaminuara me plumb në Kosovë dhe të ofrojnë strehim të sigurt dhe përkujdesje shëndetësore për njerëzit e prekur romë.

14.11.2005 Ministria e Mjedisit dhe Planifikimit Hapësinor dhe Misioni i OSBE-së në Kosovë të premten kanë filluar fushatën për informim publik mbi uzurpimin e pronës së huaj. Qëllimi i kësaj fushate është të shtojë mirëkuptimin se e drejta në pronë duhet të respektohet dhe se uzurpimi i pronës nuk është zgjidhje legjitime e problemit të strehimit.

29.09.2005 Duke përkuar me fillimin e vitit të ri shkollor 2005/2006 në Kosovë, Grupi për të Drejtat e Fëmijëve (GDF) në Institucionin e Ombudspersonit në Kosovë shpall rifillimin mbarë kosovar të "Fushatës për vetëdijesimin e të drejtave të fëmijëve.

27.09.2005 "Institucionet tona janë të vendosura që ta luftojnë trafikimin me qenie njerëzore në Kosovë", ka deklaruar të hënën në Prishtinë kryeministri Bajram Kosumi gjatë një konference të organizuar me rastin e nisjes të fushatës së Zyrës së kryeministrit lidhur me ngritjen e vetëdijes për parandalimin dhe luftimin e trafikimit të qenieve njerëzore, posaçërisht gratë dhe vajzat kosovare. Fushata është mbështetur nga IOM-i dhe është financuar nga USAID-i.

20.09.2005 Manuali “Si të organizojmë një fushatë të sukseshme mjedisore” ofron një metodë të qartë dhe lehtësisht të përdorshme për planifikimin dhe organizimin e fushatave që vërtet mund të sjellin ndryshim, jo vetëm në nivel lokal,

16.09.2005 Ministria e Arsimit Shkencës dhe Teknologjisë ka hapur sot zyrtarisht fushatën kundër braktisjes së shkollës me moton “Të gjithë në Shkollë”. Ky projekt është nismë e përbashkët e MASHT-it dhe Shoqatës Prindër-Arsimtarë, ndërkaq është financuar nga Shërbimi Katolik për Ndihmë.

01.09.2005 Rrjeti KAN së bashku me shoqatën Thirrjet e Nënave kanë pregatitur një online kartolinë me anë të së cilës njerëzit mund tu adresohen 428 anëtarëve të BE-së që të angazhohen për kthimin e pakusht të të zhdukurve. Edhe ju mund të përkrahni këtë aksion duke dërguar këtë KARTOLINË