Lajmet e Javës

23.07.2008 Banorët e fshatit Shupkovc të Mitrovicës kanë vazhduar ditën e tretë të protestës, duke kërkuar largimin e maunave me materie të rrezikshme. Gjatë tentimit të protestuesve për bllokim të magjistrales Mitrovicë-Prishtinë, policia ka arrestuar dhjetëra protestues.

22.07.2008 Radovan Karaxhiq, një nga tre të mbeturit nga “të arratisurit e Hagës” (së bashku me Ratko Mlladiqin dhe Goran Haxhiqin) të cilët para Gjykatës ndërkombëtare penale për ish-Jugosllavinë duhet të përgjigjen për krimet e luftës dhe krimet kundër njerëzimit të kryera në luftën në Bosnje e Hercegovinë gjatë viteve 1992-1995, është arrestuar në Beograd, pas 12 vjet fshehjeje.

21.07.2008 Raporti vjetor i institucionit të Ombudspersonit prezantoi gjendjen e të drejtave të njeriut. Përfundimet e këtij raporti dëshmojnë se edhe gjatë kësaj periudhe respektimi i të drejtave të njeriut nuk është në nivel të kënaqshëm.

21.07.2008 Minatorët kanë mbyllur sot atë që e quajnë aksioni sindikal përmes një proteste para Kryesisë së Kuvendit. Duke deklaruar se nuk do të ndalin përpjekjet e tyre deri në fitimin e statusit të minatorit, premtuan se do t’i kthehen aksionit në shtator.

21.07.2008 Kryetari i Organizatën për demokraci, antikorrupsion dhe dinjitet \"Çohu\", Avni Zogiani, në një konferencën me gazetarë, tha se Qeveria e Kosovës ende nuk është transparente dhe është duke tentuar për të vendosur një kontroll të fortë ndaj pushteteve lokale, agjencive të pavarura dhe mediave vendore, në mënyrë që ky kontroll të shfrytëzohet për fshehjen e praktikave korruptive të Qeverisë.

21.07.2008 Në përpjekje për të mbështetur modelin e pranuar të edukimit post-konfliktit që ligjërohet në United World College në Mostar (UWCiM), Ministria e punove të jashtme të Republikës së Çekisë ka dhuruar libra për të zgjeruar procesin e mësimit për 200 studentë të UWCiM-së nga mbarë bota. Falë donacionit United World College në Mostar do të fillojë vitin e ardhshëm shkollor duke iu ofruar 129 libra të vlefshme studentëve dhe profesorëve të saj.

03.07.2008 La voix des Rroms dhe EveryOne Group, të bashkuar nga Rromani Baxt, Centre AVER contre le racisme, Ternikano Berno & Centre culturel gitan, kanë nisur një peticion kundër paralajmërimit të bërë nga Ministri italian i Vendit dhe anëtari i Ligës Veri, Roberto Maroni, mbi planet për regjistrimin e shenjave të gishtërinjve të romëve në Itali.

03.07.2008 OSBE-ja ka kritikuar sistemin gjyqësor të Kosovës për mosefikasitet të duhur në rastin e trazirave të marsit 2004.

03.07.2008 Qeveria e Shqipërisë ka nënshkruar një marrëveshje me Bankën Botërore për kreditimin e tri projekteve të rëndësishme, me vlerë prej mbi 64 milionë dollarësh.

03.07.2008 Kjo qendër u hap në lokalet e Qendrës Rajonale të Punësimit në Prishtinë, nga Organizata Ndërkombëtare për Migrim IOM, me fonde të Bashkimit Evropian dhe të qeverive të Zvicrës e të Gjermanisë.

02.07.2008 Banorët e Dardhishtës së Obiliqit, bashkë me organizatën “Çohu”, kanë protestuar para qeverisë kundër ndërtimit të Termocentralit Kosova C.

02.07.2008 Qytetarët e Mitrovicës pritet të organizojnë një protestë të premten, kundër vendosjes së acidit sulfurikë në kompleksin metalurgjik Trepça, i cili ndodhet në qendër të këtij qyteti.

02.07.2008 Nën sloganin \\\"Ilaçe pa Hile- Ilaçe pa Tender\\\", Lëvizja Mjaft! zhvilloi sot në mesditë një aksion para Ministrisë së Shëndetësisë, mbi mungesën e barnave dhe problemeve të shumta me të cilat po përballet sistemi shëndetësor shqiptar.

02.07.2008 Bordi organizativ i ngjarjes Zagreb Pride 2008 ka dënuar sulmet mbi aktivistët homoseksualë Kristijan Grgjana dhe Sanja Juras si dhe tre pjesëmarrësit të cilët po vinin në Pride nga Kosova, duke shprehur solidaritetin dhe mbështetjen e tyre të plotë për viktimat.

02.07.2008 Është penguar një tentim i ri për hyrje nga Kosova në Maqedoni të një ngarkese radioaktive, përmes vendkalimit kufitar Bllacë dhe kamioni është kthyer në Kosovë.

01.07.2008 Shefi i zyrës së UNDP-së në Kosovë, Frode Mauring, tha se zgjidhja e çështjeve në fushën e drejtësisë nuk është obligim i faktorit ndërkombëtar, por i institucioneve vendëse.

01.07.2008 Rrjeti Ndërkombëtar i Grave në Solidaritet është krijuar në takimin e tij të parë, të mbajtur në Trento, prej 28 deri më 31 maj, në praninë e Rita Levi Montalcini (Fituese e çmimit Nobel dhe senatore e përjetshme), Malalai Joya (politikane dhe aktiviste afgane) si dhe Benedetta Magri nga Organizata Botërore e Punës dhe Qendra Ndërkombëtare e Trajnimeve.

01.07.2008 OSBE ka shprehur mbështetjen e saj për forcimin e institucioneve demokratike në Kosovë. Këtë e ka konfirmuar sekretari i përgjithshëm i kësaj organizate, Mark Perin dë Brishambo, në mbledhjen e Asamblesë Parlamentare të OSBE së, në Astana të Kazakistanit.