Lajme nga partnerët

04.09.2008 Në mbledhjen e rregullt dymujore të mbajtur të martën, me 2 shtator, Rrjeti i Grupeve të Grave të Kosovës (RrGGK), i përbërë nga 85 organizata të grave anekënd Kosovës, është pajtuar që të reagohet ndaj përzgjedhjes së ambasadorëve të Kosovës në botë, ditë më parë, ku asnjë prej të përzgjedhurve nuk vjen nga gjinia femërore.

01.09.2008 Ditë më parë Lëvizja Mjaft! mori pjesë përkrah Ministrisë së Shëndetësisë në apelin e kësaj të fundit, pjesë e një fushate sensibilizimi për dhurimin vullnetar të gjakut. Si rezultat i pakësimit të ndjeshëm të gjakut në stoqet spitalore, situata duket tejet alarmuese.

24.06.2008 Këshillit për Mbrojtjen e të Drejtave e të Lirive të Njeriut në Prishtinë i janë drejtuar 13 punëtorë , inspektorë dhe referent komunal të terrenit sektori i inspekcionit komunal dhe komunikacionit me të cilën e informojnë se për vendet e tyre të punës është shpallur konkurs në ndërkohë që ata janë paralajmëruar me një njoftim se nuk do t’iu vazhdohet kontrata e tyre e punës pas përfundimit pra, më 30.06.2008 atyre u pushon vend ii punës.

23.06.2008 Kohë më parë, KMDLNJ i pati dërguar një kërkesë bartësve të funksioneve më të larta të institucioneve të Republikës së Kosovës, Presidentit, Kryeministrit, Kryetarit të Parlamentit dhe Ministres se Drejtësisë, me të cilën ka kërkuar që të përshpejtohet procedura e miratimi të ligjit për amnisti dhe falje në mënyrë që të sigurohet baza ligjore që amnistia të zbatohet edhe në Kosovë. Kjo ishte hera e dytë që KMDLNJ kërkon që të dënuarit të përfitojnë nga amnistia pasi që Kosova, përkundër ndryshimeve rrënjësore, për dallim nga vendet e rajonit asnjëherë nuk ka aplikuar amnistinë dhe faljen si vullnet, mëshirë dhe detyrim i shtetit ndaj një kategorie të qytetarëve të saj të cilët kanë rënë në kundërshtim me ligjin.

30.04.2008 Me përkrahjen e Fondacionit Kosovar për Shoqëri të Hapur (KFOS), dhe si rezultat i marrëveshjes me MASHT, këtë vit filloi edhe projekti për monitorimin e implementimit të Strategjisë për integrimin e komuniteteve RAE në arsim, të aprovuar vitin e kaluar nga MASHT. Qëllimi i këtij projekti është të hartohet një kornizë për monitorimin e kësaj strategjie, si dhe të angazhohet shoqëria civile të përcjellë për së afërmi zhvillimet në këtë fushë.

07.03.2008 Rrjeti i Grupeve të Grave të Kosovës dënon kërcënimet dhe sulmet ndaj grave aktiviste për paqes në Serbi dhe fton qeverinë e Serbisë që të dënojë kërcënimet e tilla gjithashtu fton qeveritë ndërkombëtare të bëjnë presion mbi Qeverinë e Serbisë.

04.07.2007 Lëvizja MJAFT!, ka shprehur zhgënjimin e saj ndaj indiferencës që politika shqiptare tregon karshi kërkesave dhe nevojave të qytetarëve te Shqipërisë.

04.05.2007 Në lagjen “Llazoviq” të komunës së Pejës ka nisur puna për kthimin e të zhvendosurve serbë. Në këtë lokalitet Këshilli Danez për Refugjat - DRC-ja ka hartuar letrën përmbajtjesore për kthimin e 30 familjeve serbe me përafërsisht 120 banorë.

13.04.2007 Organizata për Demokraci Anti-Korrupsion dhe Dinjitet ÇOHU!. të enjten ka vendosur një qiri të përmasave të mëdha në qendër të Prishtinës me qëllim të mbledhjes së reagimeve të qytetarëve në lidhje me qeverisjen që është duke u bërë në Kosovë me fokus në keqmenaxhimin e keqpërdorimet në sektorin e energjisë elektrike.

13.04.2007 Organizata joqeveritare ÇOHU! ka nisur një protestë, në të gjitha qendrat kryesore të Kosovës, kundër varfërisë, korrupsionit dhe shtrenjtimit të energjisë elektrike me moton “A u bo boll”.

29.03.2007 Drejtuesit e Këshillit për Mbrojtjen e Lirive dhe të Drejtave të Njeriut (KMLDNJ) janë takuar të enjten me kryetarin e Kuvendit të Kosovës, Kolë Berisha, të cilin e kanë njoftuar me veprimtarinë e gjithmbarshme të këtij Këshilli por edhe me problemet serioze të financave më të cilat ballafaqohet nga dita në ditë.

18.01.2007 Këshilli për Mbrojtjen e të Drejtave dhe Lirive të Njeriut, nëpërmjet një komunikate të lëshuar për media sot, ka shfaqur dyshimin se, me ndërtimin e termocentralit “Kosova C” jo se nuk do të kemi një mjedis hapësinor më të pastër, por ndotja e ajrit do të arrijë shkallën që do të shkaktojë ndryshime të mëdha.

06.12.2006 Në muajin nëntor ka përfunduar projekti tetë-mujor “Plani i veprimit për riintegrim” në lagjen “7 Shtatori” në Pejë, që kryesisht ka pasur të bëjë me socializmin e jetës se personave të kthyer. Ky projekt është realizuar nga organizata joqeveritare “Syri i Vizionit” në bashkëpunim me DRC-në (Këshillin danez për refugjatë) dhe Programin e Iniciativës Kosovare (KIP).

04.12.2006 Në lagjen “7 Shtatori” të Pejës, të banuar me komunitete të përziera, OJQ-të ”Syri i Vizionit” dhe “Vizioni 02” kanë punësuar 14 persona në kuadër të projektit “Zhvillimi ekonomik përmes punësimit”.

30.11.2006 Organizatorët e festivalit ndërkombëtar të filmit dokumentar për të drejtat e njeriut, “One World”, i cili do të mbahet në Prishtinë prej datës 6 deri më 10 dhjetor, tashmë i kanë përzgjedhur filmat pjesëmarrës për edicionin e sivjetmë të këtij festivali tradicional, i cili në Kosovë mbahet për herë të shtatë me radhë. Në kuadër të 30 filmave, që janë ndarë në disa kategori, do të marrin pjesë edhe njëmbëdhjetë filma që trajtojnë tema të ndryshme nga Kosova.

09.11.2006 Me anë të një prononcimi për media, Këshilli për Mbrojtjen e të Drejtave e të Lirive të Njeriut - KMDLNJ i ka cilësuar kërkesat e grevës së punëtorëve të Qendrës Klinike Universitare në Prishtinë si plotësisht të arsyeshme dhe të realizueshme.

07.11.2006 Edicioni i sivjetmë i Festivalit Ndërkombëtar për të Drejtat e Njeriut “One World”, do të mbahet prej datës 4 deri më 10 dhjetor në Prishtinë.

02.10.2006 Nëpërmes projektit “Zhvillimi ekonomik përmes punësimit në lagjen - 7 Shtatori” të organizatës joqeveritare, “Syri i Vizionit” nga Peja në bashkëpunim me organizatën partnere, “Vizioni” nga Istogu, ka filluar të zbutet problemi i punësimit të kthyerve dhe vendasve në një ndër lagjet më gjendjen më rëndë sociale e ekonomike të Pejës.

27.09.2006 Me anë të një kumtese për opinion Këshilli për Mbrojtjen e të Drejtave e të Lirive të Njeriut (KMDLNJ) ka shprehur shqetësimin e vet për rastet e shpeshtuara të incidenteve në pjesë të ndryshme të Kosovës, të cilat për fat të mirë kanë përfunduar pa pasoja në njerëz, por që kanë shtuar dukshëm ndjenjë e pasigurisë së përgjithshme në Kosovë.

23.09.2006 Nën organizimin e organizatës joqeveritare ”Syri Vizionit” u organizua turniri shumetnik i futbollit me banorët e lagjes “7 Shtatori” të qytetit të Pejës.