Opinione dhe analiza

15.11.2006 "Vetëm të arsimuarit janë të lirë". Kjo ishte përgjigjja e Epictetusit, skllav dhe filozof i Perandorisë Romake, ndaj ligjeve të asaj kohe, që ndalonin edukimin në shkolla të skllevërve të perandorisë. Për vendin tonë, ku skllavëria mendore e holokaustet shpirtërore të ushqyer nga sisteme e regjime tirane, që historikisht kanë ndjekur njëra-tjetrën pa u ndalur, është jetësor një ndryshim radikal i përqasjes së arsimit, si forca më e madhe emancipuese dhe çliruese në vend. Rrethi vicioz i shfrytëzimit, prapambetjes, mungesës së ndërgjegjes së lirë nuk mund të çahet, veçse me arsimimin masiv dhe cilësor të shumicës së popullsisë.

01.11.2006 Para zgjedhjes së statusit të Kosovës dosido paraqitet nevoja e strukturimit ideologjik të formacioneve politike në Kosovë, ndonëse kjo do të ishte dashur të parashihet që në filiz dhe atë në sytë e botës. Përpos çështjes së statusit final të vendit, qytetari sot përballet me problemet, si: skamja, papunësia në rritje, çalimi i të drejtave të njeriut me theks të veçantë tek të drejtave të minoriteteve, gjyqësia joefikase dhe e korruptuar, privatizimi i formës krejt origjinale, pastaj problemet në arsim, shërbimet shëndetësore të pamjaftueshme, furnizimit me energji dhe shërbime të dobëta dhe korruptive administrative, mungesa e pensioneve adekuate, bujqësia stihike, etj.

26.10.2006 Metamorfoza për ligjin e gomave të përdorura tregon se ka raste që shteti i bën ligjet nisur nga interesat e përfitimeve personale të një individi apo grup individësh ndonëse ato publikohen si ligje për të mirën e tërë shoqërisë.

26.07.2006 Instituti për Demokraci dhe Relacione Etnike i Kosovës – IDERK, ka bërë publike anketën: Kredibiliteti i mediave të shkruara kosovare. Anketimi dhe intervistimi është kryer ndërmjet datave 15 dhe 28 qershor të vitit 2006 me 1111 qytetarë (911 anketa dhe 200 Intervista /Face to Face/ në shtëpi për shtëpi me: shitës të gazetave ditore/ me qytetarë kosovarë të ndarë në pesë grup mosha.

26.07.2006 Shumëkush nga të huajt është habitur kur ka parë në tregun shqiptar fruta, perime, mish apo bulmet me etiketimin “prodhim vendi”. Kjo nuk është aspak e zakonshme në vendet e tjera të Europës. Nëse bëjmë një shpjegim të shpejtë të fenomenit mund të themi me bindje se arsyeja është e thjeshtë; shija e prodhimit vendas është dukshëm më e mirë se mallrat e importit. Nëse vazhdojmë më tej arsyetimin e thjeshtë, shija është më e mirë për arsye se prodhimi bujqësor apo ai blegtoral ose është “organik” ose është pothuaj organik.

24.07.2006 Një hulumtim i opinionit publik i cili është bërë me 2,681 individ në Kosovë dhe Serbi përgjatë periudhës kohore 10 deri më 20 maj, 2006 dhe i cili është përgatitur nga Instituti Kosovar për Kërkime dhe Zhvillime të Politikave (KIPRED) me seli në Prishtinë dhe Instituti për Marketing Strategjik dhe Hulumtim të Mediave (SMMRI) me seli në Beograd bënë të ditur se ekziston një përkrahje e fuqishme publike për negociatat të cilësuara si mënyra më korrekte për të zgjidhur statusin e ardhshëm të Kosovës. Rezultatet e hulumtimit tregojnë se opinioni publik në mënyrë të konsiderueshme është i hapur për kompromise në çështjet teknike dhe se potencialisht opinioni publik është i predispozuar për kompromis në qoftë se çështja e statusit lidhet me propozimet për çështje teknike në kuadër të një marrëveshje pako për statusin e ardhshëm.

20.07.2006 Gjashtë runde të bisedimeve mbi të ardhmen e Kosovës në Vjenë, dhe duket që fëmijët dhe çështjet që kanë të bëjnë me të drejtat e fëmijëve nuk kanë qenë dhe nuk do të kanë gjasa për të hyrë në agjendën e bisedimeve për statusin e Kosovës. Në bisedimet në Vjenë, të udhëhequra nga Zëvendësi i të Dërguarit Special i Sekretarit të Përgjithshëm Kofi Annan për statusin e ardhshëm të Kosovës, Albert Rohan, fokusoi diskutimin mbi financat lokale, decentralizimin, bashkëpunimin ndër-komunal dhe bashkëpunimin ndërkufitar. Edhe pse bisedimet shihen si një fillim i rëndësishëm i procesit të përcaktimit të statusit përfundimtar të Kosovës, çështjet që kanë të bëjnë me përfshirjen shoqërore, e posaçërisht ato çështje që kanë të bëjnë me të drejtat e fëmijëve nuk ishin pjesë e agjendës.

13.07.2006 Institucioni i Ombudspersonit në Kosovë ka lëshuar Raportin e tij të Gjashtë Vjetor me radhë (2005-2006), i pari i cili do t’i dorëzohet dretpërdrejt Kuvendit të Kosovës e jo siç ka ndodhur deri tani tek Përfaqësuesi Special i Sekretarit të Përgjithshëm të Kombeve të Bashkuara.

11.07.2006 Tirana nga 9m2/banor sipërfaqe të gjelbra, që ka pasur para vitit 1990, tani ajo është rrudhur në masën 2,8m2/banor, gjë e cila duhet të alarmonte organet manaxhuese, kur dihet se edhe norma minimale e sanksionuar me ligj në rregulloren urbanistike për përpilimin e planeve rregulluese është pranuar 7m2/banor