Opinione dhe analiza

26.03.2008 Propozimi i fundit i kryeministrit Thaçi rreth përbërjes së Bordit të AKM-së siç është raportuar në media krijon një pikëpyetje të madhe për përkushtimin e kësaj qeverie për ta luftuar korrupsionin, letër kjo me të cilën PDK erdhi në pushtet.

25.02.2008 Pas entuziazmit kolektiv dhe festimit disaditor, pavarësia e Kosovës është transferuar nga rrafshi simbolik në atë praktik. Çështja kryesore për qytetarët e Kosovës tash është Kushtetuta - dokumenti i cili do t’i definojë të drejtat dhe liritë themelore, si dhe rregullat dhe parimet fundamentale të ekzekutivit, legjislativit dhe gjyqësorit në shtetin e Kosovës.
Pas disa muajve të punës së Komisionit Kushtetues të Kosovës, aktualisht është intensifikuar fushata e informimit publik për draft-Kushtetutën. Debatet e vazhdueshme publike nëpër qendrat e ndryshme të Kosovës, janë duke zgjuar interesim të qytetarëve, të cilët me dhënien e komenteve për aspektet e caktuara të draft-Kushtetutës janë duke ndikuar në përcaktimin e formës përfundimtare të Kushtetutës.

25.02.2008 Pas shpalljes së pavarësisë së Kosovës dhe reagimit „spontan\" të asaj që kryeministri e cilësoi si “mllef dhe hidhërim”, pas ambasadave të thyera, linçit publik politik ndaj atyre me mendime të tjera politike, si dhe thirrjes deklarative për “paqe dhe protesta paqësore, Serbia tashmë e ka prekur pikën më të ulët të katandisjes së saj. Problemi më i vogël për ne është që gjatë dekadave të kaluara jemi mësuar të shohim dhunë, që çdo ditë ta përjetojmë dhe që spontanisht t\'ia shkaktojmë atë të tjerëve përreth nesh. Problemi më i madh ndërkaq është se politika shtetërore e Sllobodan Millosheviqit, politika e dhunës, është kthyer zyrtarisht si politikë kryesore dhe nxitëse rreth të cilës ekziston konsensusi i kryetarit demokrat Tadiq, i atij që për pak u bë kryetar, Tomislav Nikoliq, por edhe i të gjithë të tjerëve që ndoqën Vojisllav Koshtunicës në përpjekjet për ruajtjen e Kosovës.

14.02.2008 Në disa paraqitjet e fundit kryeministri Hashim Thaçi ka ndërtuar një retorikë të ashpër kundërkorrupsion gjë që madje nuk është parë as në kohën e fushatës zgjedhore. Natyrisht një retorikë e ashpër kundërkorrupsion për herë të parë vjen nga institucionet kosovare dhe aq më parë nga kryeministri. Një gjuhë e ashpër deri tashti ka karakterizuar kritikuesit e pavarur të institucioneve kosovare, sidomos median dhe një pjesë të shoqërisë civile. Përkundër një efekti pozitiv të krijimit të një distancimi nga qeverisja e korruptuar, megjithatë ekziston një kontradiktë në shfaqjet e ditëve të fundit të kryeministrit Thaçi.

14.01.2008 Një javë nga Forumi Social Botëror (World Social Forum), për këtë vit Vita Europe nis një debat për lëvizjet e sotme të organizuara sociale. Pa marrë parasysh a do të jeni në WSF apo jo, na dërgoni anën tuaj të tregimit! Më shumë se 850 organizata nga 64 vende të botës tashmë janë regjistruar në ueb faqen e WSF 2008!

03.12.2007 Roli i mediave padyshim se është i madh për ndërtimin e shoqërive demokratike, dhe sidomos në fazat e tranzicionit, siç është rasti me Kosovën. Pavarësisht kushteve të pavolitshme financiare për zhvillimin e mediave pasluftës, ky segment që me të drejtë konsiderohet “pushtet i katërt” në demokracitë e zhvilluara, ka bërë një punë të madhe në monitorimin e atyre dukurive që konsiderohen rrezik për shoqërinë.

01.12.2007 Sot, në ditën botërore të AIDS, jemi ftuar të bëhemi udhëheqës në luftë kundër AIDS-it. Aty ku ka udhëheqje të vendosur dhe të fort përgjegjësia është shumë efektive.

19.09.2007 Opionin mbi çështjen e mjedisit nga Fadil Abazi, Koordinator i projekteve në Ministrinë e Mjedisit dhe Planifikimit Hapësinor të Kosovës.

04.09.2007 Mbi dhjetëmijë njerëz kanë marshuar të martën për të treguar se qytetarët kosovarë nuk do të lejojnë që krimi i organizuar të sundojë në shoqërinë e tyre. Për tërë këto vite të pasluftës krimi jo vetëm që ka pasur një ndikim esencialisht negativ në zhvillimin e shoqërisë, por shumë shpesh krimi është përzier me politikën dhe ka qenë politika vetë.