Trafikimi me qenie njerëzore>Lajme

03.03.2005 Prishtinë - Njësiti i policisë së UNMIK-u gjatë një jave me sukses ka luftuar trafikimin e femrave në Kosovë, duke arrestuar kështu 13 persona.

28.10.2004 Organizata Ndërkombëtare për Migrim, njësia kundër trafikimit ka përfunduar një trajnim për ngritjen profesionale të veprimtarëve kundër trafikimit në Kosovë. Në këtë trajnim kanë marrë pjesë mbi 25 anëtarë të organizatave të ndryshme joqeveritare dhe përfaqësues të institucioneve të Kosovës që merren me luftimin e trafikimit.

06.08.2004 Zhdukja pa asnjë gjurmë e 510 fëmijëve shqiptarë në qendrën greke të rehabilitimit “Agia Varvara” gjatë viteve 1998-2002 ka vënë në lëvizje institucionin e Avokatit të Popullit dhe të Policisë së Shtetit. Avokati i Popullit, Ermir Dobjani, i ka kërkuar drejtorit të Përgjithshëm të Policisë, Bajram Ibraj, të dhëna për numrin e fëmijëve që rezultojnë të zhdukur në këtë kohë si dhe listën me emrat e tyre. Në kohën që drejtori Ibraj është duke përgatitur përgjigjen zyrtare për Avokatin e Popullit, mësohet se që nga viti 1998 e deri më sot, në polici janë denoncuar vetëm 31 raste të zhdukjes së fëmijëve nga ana e të afërmëve të tyre.

07.07.2004 Drejtori i Përgjithshëm i Policisë së Shtetit, Bajram Ibraj, gjatë një konference të përbashkët për shtyp sot me Drejtorin e SECI-t, Yalcin Çakiçi, tha se "Shqipëria nuk është më vendi tranzit i trafikut të qënieve njerëzore". Drejtori Ibraj prezantoi rezultatet e operacionit "Mirazh 2004", (me objekt luftën kundër trafikut të qënieve njerëzore), duke theksuar se e veçanta e këtij operacioni ishte sekuestrimi i pasurive që rridhnin apo përdoreshin për trafiqe të paligjshme.

16.06.2004 Gjykatat shqiptare kanë lënë të lirë trafikantët e fëmijëve. Kjo akuzë e rëndë vjen nga një raport i bërë kohët e fundit në Shqipëri nga Departamenti i Shtetit Amerikan. Sipas tij, disa gjykata liruan trafikantë të dënuar, ndërkohë që prisnin gjykimin në Apel pa ofruar mbrojtje për dëshmitarët dhe viktimat. Gjithashtu, në këtë raport thuhet se korrupsioni i lidhur me trafikimin, ishte problem dhe qeveria arrestoi katër oficerë policie për akuza të ngjashme, si dhe hetoi 11 raste të përfshirjes së policisë në trafikim.

14.06.2004 Qendra per Mbrojtjen e te Drejtave te Femijeve ne Shqiperi – CRCA, i eshte drejtuar me ane te nje letre te hapur Kryeministrit Shqiptar z.Fatos Nano me ane te se ciles kerkohet sensibilizimi dhe ndihma e tij per ti thene “NDAL LYPJES SE FEMIJEVE NE SHQIPERI”.

02.06.2004 Bon, 2 qershor - Në takimin dyditor të seksionit gjerman të organizatës për mbrojtjen e të drejtave të njeriut, Amnesti Insterneshënell ishte gjendja e drejtave të grave në Kosovë. Kjo organizatë kërkon prej autoriteteve ndërkombëtare një luftë më serioze për ndërprerjen e prostitucionit dhe dhunës seksuale në Kosovë.

20.05.2004 Qendra per Mbrojtjen e te Drejtave te Femijeve ne Shqiperi (CRCA), nje nga organizatat kryesore ne Shqiperi per mbrojtjen e te drejtave te femijeve, promovoi sot ne mesdite Studimin e Perbashket Lindje-Perendim mbi Trafikun e Femijeve per Shfrytezimin Seksual ne Europe, vendet derguese - Raporti per Shqiperine. Ky raport u realizua nga Qendra per Mbrojtjen e te Drejtave te Femijeve ne Shqiperi-CRCA ne bashkepunim me ECPAT dhe Defence for Children International-Hollande, ndersa botimi i raportit u mundesua nga Olof Palme International Center. Lexo raportin online

18.05.2004 Shërbimi Informativ Shtetëror (SHISH) siguron se në Shqipëri nuk ka klinika ku bëhen transplante organesh. Kjo deklaratë është bërë nëpërmjet një njoftimi për shtyp të lëshuar sot nga institucioni i SHISH, dhe vjen menjëherë pas asaj që bëri Prokuroria e përgjithshme, e cila gjithashtu mohonte ekzistencën e klinikave në Shqipëri.