Trafikimi me qenie njerëzore>Lajme

27.09.2005 "Institucionet tona janë të vendosura që ta luftojnë trafikimin me qenie njerëzore në Kosovë", ka deklaruar të hënën në Prishtinë kryeministri Bajram Kosumi gjatë një konference të organizuar me rastin e nisjes të fushatës së Zyrës së kryeministrit lidhur me ngritjen e vetëdijes për parandalimin dhe luftimin e trafikimit të qenieve njerëzore, posaçërisht gratë dhe vajzat kosovare. Fushata është mbështetur nga IOM-i dhe është financuar nga USAID-i.

21.09.2005 Prishtinë - Trafikimi i njerëzve në Evropën Juglindore, përfshirë këtu edhe Kosovën ka marrë përmasa alarmuese, thuhet në raportin më të ri të Organizatës Ndërkombëtare për Migrim (IOM). Në anën tjetër përfaqësuesit e autoriteteve vendëse janë të shqetësuar për faktin që Kosova nga një vend kalimtar për viktimat e trafikimit tash është shndërruar në një vend origjine.

08.09.2005 Njësia për Mbrojtje dhe Asistencë të Viktimave (VAAU) të Departamentit i Drejtësisë së UNMIK-ut dje ka inauguruar Qendrën e Burimeve të Viktimave e cila do të shërbejë si mekanizëm për përgjigje të shpejtë për viktimat e krimit në Kosovë.

22.07.2005 Gjykata e Qarkut në Prizren ka dënuar tre qytetarë të Shqipërisë me dënimin më të lartë për përfshirje në trafikimin e qenieve njerëzore. Paneli gjyqësor i përbërë prej dy gjykatësve ndërkombëtarë dhe një vendësi dënoi Vladimir Ukajn dhe Robert Sylajn me nga 12 vjet burg, dhe Sabri Islamin me 10 vjet.

08.07.2005 Organizata Ndërkombëtare për Migrim – IOM, ka filluar zyrtarisht fushatën informative për kundërtrafikim. Shefi i misionit të IOM-it në Kosovë dhe misionit në Shkup, Enrico Panziani, ka thënë se fushata e tillë do të ndihmojë luftimin global të trafikimit me qenie njerëzore.

17.05.2005 Në takimin e sotëm të rregullt të Qeverisë së Kosovës u tha se trafikimi i qenieve njerëzore është një problem shqetësues për shoqërinë tonë. Për këtë qëllim, Qeveria miratoi edhe një plan nëpërmjet të të cilit synohet parandalimi, mbrojtja dhe ndjekja ligjore e personave të cilët merren me këtë aktivitet kundërligjor.

12.05.2005 "Vitin e kaluar, ne kemi regjistruar 68 viktima të trafikimit me qenie njerëzore. Nga ky numër, 55 ishin qytetare të Serbisë dhe Malit të Zi, që dëshmon se vjazat e vendit tonë mund të janë viktima gjithashtu. Fatkeqësisht, në shoqëri është një opinion i përhapur që mendohet se problemi i trafikimit të qenieve njerëzore godet vetëm qytetarët e huaj”, thotë Aleksandra Jovanovic, zëdhënëse e OJQ-sëASTRA, në një intervistë për OneWorld EJL. ASTRA është një organizatë që punon në problemin e trafikimit me qenie njerëzore.

12.05.2005 Zyra për Qeverisje të Mirë (ZQM) pranë zyrës së Kryeministrit të Kosovës ka organizuar të mërkurën në Prishtinë një debat publik për draftin e Planit veprues për luftimin e trafikimit me qenie njerëzore në Kosovë.

28.03.2005 Shtetet e Bashkuara dhe Suedia do të japin mbështetje donacionesh për 12 vende të Evropës Lindore, përfshirë edhe Kroacinë, në luftë kundër trafikimit të grave dhe prostitucionit.