HIV/AIDS>Lajme

29.10.2008 Të rinjtë në Kosovë nuk kanë njohuri të mjaftueshme për HIV /AIDS-in, nxjerrë në pah studimi “Njohuritë, Qëndrimet, Përvojat dhe Sjellja e të Rinjëve në Kosovë mbi HIV/AIDS” i mbështetur nga ekipi i përbashkët i Agjensive të Kombeve të Bashkuara për AIDS në Kosovë, bazuar në përgjigjet e dhëna nga 1299 të rinjë kosovarë të moshës 15 deri 24 vjeç.

24.11.2006 OJQ INTEGRA në bashkëpunim me UNICEF-in në Prishtinë, Komitetin Kosovar për AIDS dhe me shumë partnerë tjerë, lokal dhe ndërkombëtarë, vazhdon punën agresive kundër HIV/AIDS. Gjatë periudhës 27 Nëntor 2006 – 05 Dhjetor 2006, me qëllimin kryesor global për parandalimin e HIV/AIDS, INTEGRA do të implementojë projektin “Stop AIDS. Mbaje Premtimin!” në 10 komuna të përzgjedhura për këtë projekt. Dita Ndërkombëtare Kundër HIV/AIDS, 1 Dhjetori 2006, do të shënohet në Prishtinë.

05.12.2005 Dhjetëra përfaqësues të shoqërisë civile kanë protestuar në Ditën Ndërkombëtare të luftës kundër Sidës para Ministrisë së Shëndetësisë, për t’i rikujtuar qeverisë rritjen e kujdesit ndaj të sëmurëve me HIV. Me moton “Stop AIDS. Bëj Premtime, mbaj Premtime”, në ditën kundër HIV/AIDS, përfaqësues të Koalicionit Kundër Sidës, kanë hedhur pankarta si dhe kanë fishkëllyer me bilbila para dikasterit të bluzave të bardha.

01.12.2005 Si në gjithë botën ashtu edhe në Kosovë po shënohet Dita Ndërkombëtarë Kundër HIV/AIDS-it . Në kuadër të kësaj dite të shënuar në Kuvendin e Kosovës është organizuar një debat lidhur me këtë dukuri.

22.11.2005 Sipas studimit të Institutit të Shëndetit Publik gjashtë homoseksualë dhe 2 persona të komunitetit rom kanë rezultuar të prekur nga AIDS-i. Përveç AIDS-it, shifrat kanë rezultuar shqetësuese edhe për sëmundje të tjera të rrezikshme siç janë sifilizi dhe hepatitet. Po nga ky studim ka rezultuar 25 raste të prekuar nga sifilizi.

17.05.2005 Plot 149 është numri zyrtar i personave të prekur nga virusi HIV në vendin tonë, ndërsa numri i të infektuarve të padeklaruar mendohet të shkojë deri në 1 500 vetë. Të dhënat më të fundit lidhur me sëmundjen vdekjeprurëse janë bërë publike dje gjatë një tryeze të organizuar nga Organizata Ndërkombëtare për Migracionin dhe Instituti i Shëndetit Publik.

10.02.2005 Sipas infektologut dr. Izet Sadiku këto qendra do funksionojnë në Gjilan, Prizren e Pejë, ndërsa kanë për qëllim parandalimin më efikas të sëmundjes dhe zbulimin e hershëm të HIV pozitivëve në Kosovë

07.02.2005 Mbremje mondane, te ftuar nga komuniteti nderkombetar, biznesi, qeveria dhe shoqeria civile. Te gjitha donacionet do te mblidhen ne nje llogari bankare te hapur enkas per te blere barnat antiretoriale per 4 femijet e infektuar nga HIV.

30.09.2004 Kosova aktualisht bën pjesë në vendin me numër të përgjithshëm të ulët të të infektuarve nga SIDA.
Sipas të dhënave të Institutit Kombëtar të Shëndetit Publik (IKSHP) në Prishtinë, prej vitit 1986, kur është regjistruar i infektuari i parë në Kosovë, e deri tani janë të regjistruar 58 raste me HIV pozitiv.