Politika>Multimedia

24.07.2006 Një hulumtim i opinionit publik i cili është bërë me 2,681 individ në Kosovë dhe Serbi përgjatë periudhës kohore 10 deri më 20 maj, 2006 dhe i cili është përgatitur nga Instituti Kosovar për Kërkime dhe Zhvillime të Politikave (KIPRED) me seli në Prishtinë dhe Instituti për Marketing Strategjik dhe Hulumtim të Mediave (SMMRI) me seli në Beograd bënë të ditur se ekziston një përkrahje e fuqishme publike për negociatat të cilësuara si mënyra më korrekte për të zgjidhur statusin e ardhshëm të Kosovës. Rezultatet e hulumtimit tregojnë se opinioni publik në mënyrë të konsiderueshme është i hapur për kompromise në çështjet teknike dhe se potencialisht opinioni publik është i predispozuar për kompromis në qoftë se çështja e statusit lidhet me propozimet për çështje teknike në kuadër të një marrëveshje pako për statusin e ardhshëm.

19.07.2006 Organizata për Demokraci, Anti-Korrupsion dhe Dinjitet – ÇOHU, ka bërë publik Raportin Mbi 100 Ditët e Qeverisë “Çeku”, i cili është bazuar kryesisht në monitorimin e shtypit ditor kosovar gjatë kësaj periudhe qeverisëse 100 ditore, përderisa raporti ka shfrytëzuar edhe burime shtesë për marrje informatash siç janë raportet e Zyrës së Auditorit Gjeneral (ZAGJ).

19.09.2005 Sipas këtij hulumtimi, televizioni edhe më tutje mbetet burimi kryesor i informatave për qytetarët e Kosovës (84%), me dallim shumë të madh në krahasim me radiot (8%) dhe gazetat (6%). Mediumet më të preferuara në Kosovë janë TV21, Radio Dukagjini and Koha ditore, përderisa mediumet më të besueshme edhe më tutje janë RTK, Radio Kosova dhe Koha ditore.

20.07.2005 Sipas hulumtimeve të kryera nga UNDP dhe "Riinvesti" rezulton se 49 për qind e problemeve me të cilat ballafaqohen qytetarët e Kosovës janë probleme sociale, ndërsa 33 për qind probleme politike.

20.06.2005 Index Kosova, ndërmarrje e përbashkët me BBSS Gallup International, kompani private për hulumtimin e opinionit publik, medias dhe tregut, ditë më parë ka publikuar hulumtimin e fundit, “Veset e Mediave dhe Çështjet Politike në Kosovë” i cili është kryer mes 26 majit dhe 1 qershorit të vitit 2005.

08.06.2004 Politika e zero-tolerancës ndaj korrupcionit është vetëm një mashtrim tjetër i UNMIK-ut dhe Qeverisë së Kosovës.

Me 24 maj, Zyra e Kryeministrit të Kosovës e publikoj strategjinë për antikorrupcion në konferencën “Kosova Lufton Korrupcionin”.
Të gjithë prezentuesit në konferencë e përshkruan korrupcionin si kancer që po e shkatërron shoqërinë Kosovare. Për shkrimin e 24 faqeve të strategjisë janë dashur gati 3 vjet. Plani i Veprimit pa të cilin kjo strategji nuk mund të zbatohet dhe ligjet përcjellëse ndoshta do të shkruhen në 2005.

28.03.2004 Intervistë me Mero Bazen, drejtor i gazetës Tema për radion Deutsche Welle
Drejtori i gazetës "Tema" Mero Baze mendon se rrugëzgjidhja e qëndrueshme afatgjatë do të ishte përfundimi i procedurave për të përcaktuar statusin e Kosovës. Në intervistën me Dojçe Velen, Baze thotë se faktori politik në Kosovë duhet të marrë në dorë vetëqeverisjen dhe pakicat duhet të largojnë paranojat e tyre dhe lidhjet e vjetra me nacionalizmin e vjetër serb.

20.03.2004 Shtypi i dites ne Shqiperi vazhdon te pasqyroje ngjarjet ne Kosove nepermjet informacioneve, komenteve, analizave, intervistave apo edhe reagimeve te partive politike, Qeverise Shqiptare si dhe organizmave nderkombetare.
Ndiqni meposhte disa nga titujt kryesore te shtypit ne gjuhen shqipe:

20.03.2004 “Dhuna ndalon, po të shpallet Kosova e pavarur”
Studentët shqiptarë të Kosovës, që studiojnë në Universitetin e Tiranës, protestë para Akademisë së Artev”, për dhunën në Kosovë. Gjithçka ka filluar me Himnin e Kombëtar të Flamurit rreth orës 15.00 të ditës së djeshme, dhe ka përfunduar një orë më vonë.