Politika>Multimedia

19.03.2004 Kryeministri shqiptar, Fatos Nano, përsëriti sot thirrjen e tij për qetësi pas akteve të dhunës ndëretnike në Kosovë, ku vdiqën 31 persona dhe u plagosën 500 të tjerë të mërkurën dhe të enjten. "Për të tretën ditë rradhazi, kërkoj maturi dhe vetëpërmbjajtje", pohoi Fatos Nano, gjatë një konference në Bratisllavë për zgjerimin e Bashkimit Europian, ku janë mbledhur shumë kryetarë shtetesh të Ballkanit.

17.03.2004 Kryeministri i Shqiperise Fatos Nano po ndjek me vëmendje situatën më të fundit në Mitrovicë, Kosove. Kryeministri zhvilloi një bisedë telefonike me Kryeadministratorin e Kosovës Harri Holkeri, i cili është shprehur se situata atje është jashtëzakonisht kritike dhe se zoti Holker po mban kontakte të vazhdueshme me të gjithë faktorët ndërkombëtarë dhe ata kosovarë për këtë çështje. Kryeadministratori Holkeri ka vlerësuar së tepërmi vëmendjen dhe shqetësimin e shprehur nga Kryeministri shqiptar në këtë situatë jo të zakontë.