Politika

02.04.2004

Shkodër

Qytetarët e Shkodrës do të protestojnë ditën e sotme në kuadër të lëvizjes për largimin e kryeministrit Nano. Kjo lëvizje përkon dhe me përvjetorin e ngjarjeve të 2 prillit të vitit 1991, gjatë të cilave humbën jetën katër të rinj. Ditën e djeshme janë mbledhur drejtuesit e partive opozitare të këtij qyteti dhe kanë biseduar në lidhje me zhvillimin e kësaj proteste. Gjithashtu në këtë tryezë kanë marrë pjesë dhe shoqatat e ish-të përndjekurve dhe shoqata "2 prilli".

02.04.2004

Fatos Nano

Kryeministri Fatos Nano është takuar dje në Washington me kryetarin e Maxhorancës në Dhomën e Përfaqësuesve, Tom Delay. Gjatë këtij takimi është folur për çështjet e bashkëpunimit midis qeverive dhe legjislativit. Delay ka shprehur vlerësimin e veçantë që Shqipëria është aleate e SHBA në Irak dhe në luftën kundër terrorizmit.

01.04.2004

Instituti Republikan Ndërkombëtar.

Te rinjte jane pesimiste per te ardhmen dhe nuk besojne me te politikanet, deputetet e qeveria, por tek biznesi, arsimi dhe mediat. Ky eshte konkluzioni i nje sondazhi te pergatitur nga Insituti Republikan Amerikan, financuar nga USAID-i. Jane intervistuar rreth 1100 te rinj nga mosha 18 deri 30 vjec.

01.04.2004 422 anëtarë të Kongresit Amerikan i kanë kërkuar dje Presidentit Bush që të kontribuojë që Shqipëria, Maqedonia dhe Kroacia të jenë pjestare të NATO-s përpara vitit 2007. Sipas njoftimeve pranë shefit të ekzekutivit, gjatë votimit në sallë ka qenë i pranishëm edhe Nano i cili ka ndjekur debatin në Kongres lidhur me këtë çështje, e cila është diskutuar vetëm një ditë pasi 7 nga 10 vendet e Grupit të Vilnusit iu bashkua NATO-s si anëtarë me të drejta të plota.