Korrupsioni>Multimedia

14.11.2008 Është vërtetuar nga përvoja e vendeve në tranzicion, po edhe nga ato që kanë një traditë të gjatë demokratike, se korrupsioni shumë vështirë hetohet po edhe më vështirë dëshmohet!

20.05.2008 Disa sugjerime në prag të krijimit të Agjensionit të Kosovës të Inteligjencies (AKI) që kanë qenë të nxitura nga kuloare të ndryshme për përfshirjen e militantëve partiak në këtë agjension e shndërrojnë atë në një mjet të zakonshëm për të vazhduar kontrollin e partive politike ndaj resurseve ekonomike, sikundër ka ndodhur gjatë këtyre shtatë viteve. Struktura të partive politike në Kosovë, pas lufte, kanë funksionuar si struktura paralegale të sigurisë dhe në rast se një strukturë militare nuk është legale ajo nuk është tjetër veçse krim i organizuar. Luftimi i krimit të organizuar ka ngelur sfida më e madhe për Kosovën dhe kjo është reflektuar edhe në raportet e progresit të Komisionit Evropian.

03.12.2007 Roli i mediave padyshim se është i madh për ndërtimin e shoqërive demokratike, dhe sidomos në fazat e tranzicionit, siç është rasti me Kosovën. Pavarësisht kushteve të pavolitshme financiare për zhvillimin e mediave pasluftës, ky segment që me të drejtë konsiderohet “pushtet i katërt” në demokracitë e zhvilluara, ka bërë një punë të madhe në monitorimin e atyre dukurive që konsiderohen rrezik për shoqërinë.

05.07.2007 Vendimi i KEK-ut për blerjen e energjisë elektrike nga kompania çeke CEZ, siç është raportuar në media, me dyfishin e çmimit të tregut, vërteton brengat e shprehura nga Organizata ÇOHU! se në fushën e energjetikës është krijuar një rreth i konfliktit të interesave, për të cilin çmimin do ta paguajë qytetari kosovar.

18.10.2006 Misioni i OSBE-së paraqiti dje një broshurë me rezultatet e ekspertëve mbi gjendjen e korrupsionit në Kosovë në një punëtori të dytë të organizuar mbi këtë çështje nga Misioni i OSBE-së dhe Zyra e Kryeministrit.

10.10.2006 Ditë më parë, Organizata për Demokraci, Antikorrupsion dhe Dinjitet “ÇOHU” ka publikuar raportin Korrupsioni dhe Krimi i organizuar: Reflektimi në negociatat për statusin me anë të cilit argumenton se përfshirja e strukturave të caktuara të partive politike në krim të organizuar dhe korrupsion është duke e zvogëluar aftësinë e negociatorëve kosovarë për statusin në përfaqësimin e vullnetit të popullsisë shumicë të Kosovës.

19.07.2006 Organizata për Demokraci, Anti-Korrupsion dhe Dinjitet – ÇOHU, ka bërë publik Raportin Mbi 100 Ditët e Qeverisë “Çeku”, i cili është bazuar kryesisht në monitorimin e shtypit ditor kosovar gjatë kësaj periudhe qeverisëse 100 ditore, përderisa raporti ka shfrytëzuar edhe burime shtesë për marrje informatash siç janë raportet e Zyrës së Auditorit Gjeneral (ZAGJ).

04.08.2005 UNDP ka bërë Shpalljen e Fakteve të Shpejta të Paralajmërimit të Hershëm me anë të së cilës janë zbuluar rezultatet e një hulumtimi të publikut të kryer në korrik të vitit 2005. Projekti Sistemi i Paralajmërimit të Hershëm është i bashkë-financuar nga USAID dhe UNDP dhe ai zbatohet nga Instituti Riinvest.

21.10.2004 Organizata Transparency International nxori sot indeksin e vitit 2004 për nivelin e korrupsionit nëpër botë. Ndër 146 vende të vlerësuara, Shqipëria gjendet në vendin e 108 dhe paraqitet më dobët se vendet e saj fqinje. Maqedonia renditet në vendin e 97-të, Serbia dhe Mali i Zi në të 99-tin, Greqia në të 49-tin dhe Italia në vendin e 43-të.