Romët>Lajme

09.09.2005 Mitrovicë - Në Mitrovicë ka filluar realizimi i një projekti të përbashkët të autoriteteve kosovare dhe atyre ndërkombëtare për kthimin e romëve të zhvendosur nga jugu i qytetit. Këta pjesëtarë të komunitetit rom aktualisht janë të strehuar nëpër kampe në veri Mitrovicës, kurse qëllimi i autoriteteve është që ata t'i kthejnë në jug të qytetit, përkatësisht në lagjen rome, ku kanë jetuar më parë.

22.08.2005 Nëpërmes një deklarate, Këshilli për Mbrojtjen e të Drejtave dhe Lirive të Njeriut - KMDLNJ ka përshëndetur iniciativën dhe përpjekjet të institucioneve qeveritare të Kosovës si dhe të institucioneve ndërkombëtare në Kosovë për zgjidhjen e problemit të banorëve të Kampit të Plemetinit, si dhe ka ofruar gatishmërinë e vet për të ndihmuar në çdo aspekt për të mirën e këtyre banorëve.

08.08.2005 Plemetin - Filluan zyrtarisht punët në ndërtimin e objektit për banim të 36 familjeve të kampit si dhe 19 familjeve tjera. Mjetet për realizimin e këtij objekti në vlerë prej 400.000 eurosh janë ndarë bashkarisht nga Qeveria e Kosovës dhe UNMIK-u.

08.08.2005 Qytetarët e lagjes së Romëve në “Tosin Bunar” të Beogradit u janë ekspozuar sulmeve nga sulmues të panjohur për më shumë se një javë tanimë. Pjesëtarët e komunitetit thonë se sulmet paraqesin një kërcënim serioz dhe se ata kanë organizuar roje nate nga frika për jetën e tyre dhe të familjeve.

05.08.2005 Me kërkesë të autoriteteve komunale dhe me mbështetje të UNMIK-ut, KFOR-it dhe TMK-së në fillim të kësaj jave kanë filluar punët në pastrimin e mbeturinave në “Mahallën e Romëve” në jug të Mitrovicës, ku do të filloi ndërtimi i shtepive për kthim të romëve në vendbanimet e tyre të mëparshme.

21.07.2005 Numri i parë i broshurës informuese “"Dekadës së Romëve" është publikuar nga Qendra për të Drejtat e Minoriteteve. Kjo broshurë ka për qëllim zhvillimet e aktiviteteve të agjencive të shoqërisë civile të Serbisë në përpjekje për të përmirësuar statusin e Romëve.

27.06.2005 Në sallën e Shkollës së Muzikës në Pejë, OJQ “Syri i Vizionit” bëri prezantimin e projektit “Plani i Veprimit për Integrim në Lagjen ‘7 Shtatori’ të Pejës” para zyrtarëve komunal të qytetit, atyre të administratës ndërkombëtare dhe një numri të konsiderueshëm të banorëve të lagjes në fjalë.

05.05.2005 Bazuar në raportin e Organizatës Botërore të Shëndetësisë nga 58 persona të testuar në kampet e romëve në veri të Mitrovicës, 34-ve prej tyre iu është gjetur plumbi në gjak, derisa edhe të 27 veta, që kanë vdekur në këtë kamp është konstatuar prania e plumbit në gjak

22.04.2005 Mitrovicë – UNMIK-u do të organizojë një konferencë donatorësh për ngritjen e Mëhallës së Romëve në Mitrovicë, kanë njoftuar zyrtarë të UNMIK-ut, pak ditë pas nënshkrimit të marrëveshjes kornizë midis KK-së dhe UNMIK-ut për këtë projekt.