Romët>Lajme

22.04.2005 Ministria e Kulturës, Rinisë dhe Sportit, në një takim me donatorë, prezantoi sot politikat zhvillimore për vitin 2005, që kanë të bëjnë më integrimin e minoriteteve në vend. Buxheti prej 15 për qind që ka ndarë ministria nuk është i mjaftueshëm në krahasim me kërkesat që ka marrë deri tash kjo ministri.

19.04.2005 Komuna e Mitrovicës, në bashkëpunim me UNMIK-un, OSBE-në dhe UNHCR-në, kanë nënshkruar memorandum për kthimin e 100 familjeve nga komuniteti Romë dhe Ashkali, të cilët janë zhvendosur në pjesën veriore të qytetit gjatë konfliktit në Kosovë, në shtëpitë e tyre në pjesën jugore të Mitrovicës.

15.04.2005 Pa vende pune, shtëpi dhe siguri, jo-shqiptarët e Kosovës pohojnë se ata nuk mund të kthehen në vendlindje. Hamid Zymberi, një ashkali rreth pesëdhjetë vjeçar, u kthye këtë javë në shtëpinë e tij të posa ndërtuar në Vushtrri, një qytet i vogël 20 kilometra në veri të Prishtinës.

08.04.2005 Sot në Vushtrri, në Lagjen e ashkalinjve, në shtëpitë e rindërtuara nga Qeveria e Kosovës, janë kthyer pesë familjet e para me 16 anëtarë, të cilat deri tash kishin jetuar në motelin “Vicianum”, në Vushtrri.

26.01.2005 Ombudspersoni i Kosovës Marek Antoni Novicki mori pjesë në një debat të Asamblesë Parlamentare të Këshillit të Evropës mbi mbrojtjen e të drejtave të njeriutnë Kosovë. Sipas njoftimit nga zyra e Ombudspersonit, Novicki theksoi se ajo që së pari i duhet Kosovës, për të mbrojtur të drejtat dhe liritë e njerëzve, është Gjykata për të drejtat e njeriut si dhe konsolidimi i Institucionit të Ombudspersonit.

08.11.2004 Si pjesë e përpjekjeve të vazhdueshme për të përmirësuar nivelin e gazetarisë dhe statusin e komuniteteve të vogla në Kosovë, Misioni i OSBE-së do të organizojë një trajnim katër ditor për gazetarët romë dhe ashkali. Trajnimi fillon sot dhe mbahet në Shtërpce.

04.06.2004 Zëvëndëskryetari i Asamblesë Komunale, Mursel Ibrahimi, ka pritur të enjten kryetarin e Këshillit për të Drejtat dhe Liritë e Njeriut, Pajazit Nushin me bashkëpunëtorë. Me këtë rast është biseduar për procesin e kthimit të personave të zhvendosur nga vendbanimet e tyre në komunën e Mitrovicës. Mysafirët nga Prishtina janë inetesuar edhe për projektin për kthimin e romëve dhe ashkalive në lagjen e tyre, afër stadiumit të vjetër të qytetit. Lidhur me këtë projekt atëkohë u zhvilluan edhe shumë takime me përfaqësues të pushtetit lokal e ndërkombëtarë, ku patën marrë pjesë edhe romët dhe ashkalinjtë, por ky projekt sikur është harruar nga ndërkombëtarët.

03.11.2003 Në komunën e Pejës deri më tani nxënësit e komunitetit boshnjak, romë dhe egjiptian vijojnë mësimet në të njëjten shkollë bashkë me shqiptar. Që nga viti 1999 mësimi zhvillohet pa pengesa dhe deri tani nuk është vërejtur asnjë problem duke ju falenderuar Drejtoratit për Arsim dhe drejtorave të shkollave të mesme dhe fillore” thotë zotëri Baliq, përfaqësues i arsimit për komunitetin boshnjak