Romët>Lajme

10.05.2006 Rreth 17 banesa u ndanë për banorët romë, ashkali, egjiptas dhe pesë tjera për qytetarët shqiptarë në Magure të Lipjanit, të cilët deri para një kohe kanë jetuar në kampin e Plemetinit. Dorëzimin e çelësave të këtyre banesave të reja e bëri zëvendëskryeministri Lutfi Haziri.

26.04.2006 Emisari i lartë i Kombeve të Bashkuara në Kosovë, dje ka përshëndetur dje ceremoninë e vënies së gurthemelit për nisjen e punëve të rindërtimit në Lagjen e Romëve i cili do t’u mundësojë personave të zhvendosur të kthehen në shtëpitë e tyre.

11.04.2006 Duke ju falënderuar aktiviteteve të organizatave joqeveritare, Qeverisë së Malit të Zi dhe bashkësisë ndërkombëtare, statusi i Romëve në Mal të Zi është përmirësuar dukshëm gjatë disa vjetëve të fundit, raporton Fondacioni i Bursave të Romëve, me rastin e 8 Prillit, Ditës Ndërkombëtare të Romëve.

02.03.2006 “UNË MARR PJESË” kërkon që nëpërmjet krijimit të kësaj faqeje interneti e cila do të lëshohet që nesër, të nxisë debatin publik ndërmjet të gjithë aktorëve politike dhe civile, mbi rëndësinë që ka për Shqipërinë rritja e pjesëmarrjes së grave, të rinjve dhe minoriteteve në politikë dhe në vendim-marrje.

27.02.2006 Me anë të një prononcimi për media, Këshilli për Mbrojtjen e të Drejtave dhe Lirive të Njeriut – KMDLNJ, thotë se “të zhvendosurit romë, hashkali dhe egjiptianë, të cilët që nga periudha e pasluftës në Kosovë më 1999 po qëndrojnë në kampet në veri të Kosovës, jetojnë në kushte tejet të vështira, të ekspozuar edhe ndaj rrezikut të madh jetësor nga përqindja e madhe e plumbit në gjak. Kjo nuk është asgjë e re dhe njëkohësisht është e ditur për të gjithë. Por, deri më tash nuk është ndërmarrë asgjë serioze për zgjidhjen e çështjes së tyre”.

24.02.2006 Gjykata Evropiane për të Drejtat e Njeriut me seli në Strasburg ka refuzuar padinë penale të ngritur Qendrës Evropiane për të Drejtat e Romëve kundër Misionit të Kombeve të Bashkuara në Kosovë - UNMIK. Drejtoresha juridike e kësaj qendre, Diana Post ka thënë se gjyqi e ka refuzuar padinë pasi administrata e Kombeve të Bashkuara në Kosovë nuk është nënshkruese e Konventës Evropiane për të Drejtat e Njeriut.

22.02.2006 Me qëllim të çrrënjosjes së analfabetizmit në komunitetin e lagjes “7 Shtatori” të Pejës, organizata joqeveritare Syri i Vizionit” gjatë periudhës nëntor 2005 – shkurt 2006 ka zbatuar një kurs me tri grupe qytetarësh: gra, të rinj dhe të rritur, me pjesëmarrje të 45 personash. Kursi është organizuar në “Qendrën e Komuniteteve” të kësaj lagjeje.

17.02.2006 Administrata e UNMIK-ut është duke u përpjekur t'i bindë banorët romë e ashkali që për më tepër se gjashtë vite jetojnë nëpër kampe refugjatësh në veri të Kosovës, të zhvendosen nga atje ne vende më të sigurta.

20.01.2006 Qeveria e Kosovës ka krijuar një fond prej 50 mijë eurosh për të mbështetur mediat e minoriteteve, multietnike dhe ato të pafavorizuara, gjatë vitit 2006. Në një konferencë donatorësh Qeveria ka kërkuar nga komuniteti ndërkombëtar, që t’i kontribuojë këtij fondi, në mënyrë që përmes mediave të tyre komunitet pakicë të jenë të informuar objektivisht.