Qasja e Lirë në Informata>Lajme

06.08.2008 Gjendja aktuale e Teknologjisë Informative nëpër të gjithë sektorët dhe nivelet në komunën e Gjilanit, ka shtyrë MAPL të ndajë rreth 100 mijë euro për digjitalizimin e shërbimeve në komunë.

06.06.2008 Rrjeti Ballkanik i Gazetarisë Hulumtuese – BIRN – dënon ashpër sulmin ndaj ekipit të emisionit ‘Jeta në Kosovë’, nga ana e sigurimit të Këshillit Gjyqësor të Kosovës.

28.05.2008 Me anë të një deklarate Asociacioni i Gazetarëve Profesionistë të Kosovës (AGPK) shpreh pakënaqësinë për sjelljet jokorrekte që u bëhen shpesh gazetarëve nga shërbyes civil të institucioneve të qeverisë së Kosovës. Rasti më i fundit është ai i ofendimit të rëndë që i është bërë dje gazetarit të gazetës ‘Lajm\' Alban Selimi nga një shërbyes i lartë civil në Ministrinë e Shëndetësisë, thuhet në deklaratë.

12.05.2008 Sistemi i qeverisjes elektronike do ta bëjë Kosovën që të arrijë standardet evropiane të zhvillimeve të demokracisë, u tha në konferencën ndërkombëtare “E-qeverisja” që mbahet sot dhe nesër në Prishtinë. Me këtë sistem të qeverisjes, sipas organizatorëve të kësaj konference, Kosova përfundimisht do të futet në një rrugë drejt së cilës aspirojnë, jo vetëm vendi ynë por edhe shumë vende tjera.

19.11.2007 Organizatat ndërqeveritare dhe joqeveritare propozojnë një mekanizëm vet-rregullues për të siguruar pjesëmarrjen, qasjen në informata dhe transparencë në qeverisjen e internetit Forumi për Qeverisjen e Internetit (FQI) në Rio de Janeiro më 12 nëntor 2007.

12.05.2007 Me rastin e Ditës së Evropës, më 9 maj, gazeta Java, është shpërblyer me çmimit prestigjioz - Press Freedom Award - Signal for Europe 2006", që tradicionalisht e ndajnë Reporterët pa Kufij të Austrisë.

15.09.2006 Me anë të një prononcimi për media, Këshilli për Mbrojtjen e të Drejtave e të Lirive të Njeriut (KMDLNJ) me seli në Prishtinë ka shprehur brengosjen e vet përkitazi me keqtrajtimin e gazetarit Enis Veliu nga ana e pjesëtarit të SHPK-së në ndërtesën e Kuvendit të Kosovës. Shqetësim të ngjashëm në lidhje me këtë rast ka ndarë edhe Asociacioni i Gazetarëve Profesionistë të Kosovës.

03.05.2006 Asociacioni i Gazetarëve Profesionistë të Kosovës – AGPK ka ftuar të gjithë gazetarët/fotoreporterët që të marrin pjesë në protestën sotme e cila do të organizohet me rastin e Ditës Botërore të Lirisë së Shtypit. Protesta me kohëzgjatje prej 30-minutash do të mbahet në orën 15:00, para ndërtesës së Qeverisë së Kosovës dhe ka për qëllim kundërshtimin e Udhëzimit Administrativ për Ligjin për Qasje në Dokumente Zyrtare që është nënshkruar disa ditë më parë nga Ministria e Shërbimeve Publike.

20.02.2006 Gazetarët nuk kanë përkrahje institucionale gjatë raportimit të korrupsionit dhe për më tepër shumë pak kanë përkrahje nga shoqëria kosovare në përgjithësi. Shumë shpesh gazetarët i nënshtrohen presioneve dhe kërcënimeve dhe për këtë nuk kanë ndonjë mbrojtje, është konkluduar dje në debatin e mbajtur nga Organizata për Demokraci Anti-Korrupsion dhe Dinjitet “Çohu" në temën “Raportimi i korrupsionit në mediat kosovare”.