Mbulim i plotë: Kosove

30.07.2008 Vazhdojnë protestat e qytetarëve të Mitrovicës për largimin e maunave me materie kimike nga parku industrial i Kompleksit ‘Trepça’.

30.07.2008 I filluar si kampi multietnik, Ulpiana antike, pas punës mjaft të suksesshme sërish është kthyer në agjendat e gjurmimeve më atraktive arkeologjike të rajonit dhe më gjerë. Tani, interesimet për gjurmime janë të nivele më të larta me çka është shtuar edhe përgjegjësia për menaxhim më të sofistikuar të projekteve.

29.07.2008 Sipas një kalkulimi të së përditshmes kosovare Koha Ditore, të bazuar në raportet e policisë për periudhën nga ditë e parë e korrikut deri më 28 korrik, gjatë kësaj periudhe në Kosovë kanë ndodhur dy raste të vetëvrasjeve dhe 14 raste të tentativave të vetëvrasjeve. Pra, ky kalkulim nxjerr në pah shifrën se raste të tilla janë duke ndodhur në dy nga tri ditë.

28.07.2008 Qytetit të Fierit do t’i shtohen edhe rreth 5.000 metra katrorë sipërfaqe e gjelbëruar, në saje të një prej projekteve të zbatuar në këtë qytet për shtimin e sipërfaqes së gjelbëruar.

28.07.2008 Qytetarët e Mitrovicës pritet të protestojnë sërish sot për të kërkuar largimin e kamionëve me vaj disulfurik, të vendosur në këtë qytet prej gati dy muajsh. Këshilli Organizativ i Protestave thotë se kjo materie është helmuese dhe po shkakton pasoja në shëndetin e banorëve si dhe po dëmton florën e faunën.

25.07.2008 Protesta për largimin e maunave me acid disulfurik, të vendosura në kompleksin “Trepça” në Mitrovicë, ka vazhduar edhe të enjten. Ndërkaq Policia e Kosovës ka arrestuar 16 protestues gjatë intervenimit për zhbllokimin e magjistrales Mitrovicë-Prishtinë.

24.07.2008 Zyra ndërlidhëse e Komisionit Evropian ka ndarë 3.3 milionë euro për procesin e kthimit dhe re-integrimit në Kosovë, në bashkëpunim të ngushtë me Ministrinë për Kthim dhe Komunitete.

23.07.2008 Banorët e fshatit Shupkovc të Mitrovicës kanë vazhduar ditën e tretë të protestës, duke kërkuar largimin e maunave me materie të rrezikshme. Gjatë tentimit të protestuesve për bllokim të magjistrales Mitrovicë-Prishtinë, policia ka arrestuar dhjetëra protestues.

21.07.2008 Raporti vjetor i institucionit të Ombudspersonit prezantoi gjendjen e të drejtave të njeriut. Përfundimet e këtij raporti dëshmojnë se edhe gjatë kësaj periudhe respektimi i të drejtave të njeriut nuk është në nivel të kënaqshëm.

21.07.2008 Kryetari i Organizatën për demokraci, antikorrupsion dhe dinjitet \"Çohu\", Avni Zogiani, në një konferencën me gazetarë, tha se Qeveria e Kosovës ende nuk është transparente dhe është duke tentuar për të vendosur një kontroll të fortë ndaj pushteteve lokale, agjencive të pavarura dhe mediave vendore, në mënyrë që ky kontroll të shfrytëzohet për fshehjen e praktikave korruptive të Qeverisë.

21.07.2008 Në përpjekje për të mbështetur modelin e pranuar të edukimit post-konfliktit që ligjërohet në United World College në Mostar (UWCiM), Ministria e punove të jashtme të Republikës së Çekisë ka dhuruar libra për të zgjeruar procesin e mësimit për 200 studentë të UWCiM-së nga mbarë bota. Falë donacionit United World College në Mostar do të fillojë vitin e ardhshëm shkollor duke iu ofruar 129 libra të vlefshme studentëve dhe profesorëve të saj.

03.07.2008 OSBE-ja ka kritikuar sistemin gjyqësor të Kosovës për mosefikasitet të duhur në rastin e trazirave të marsit 2004.

03.07.2008 Kjo qendër u hap në lokalet e Qendrës Rajonale të Punësimit në Prishtinë, nga Organizata Ndërkombëtare për Migrim IOM, me fonde të Bashkimit Evropian dhe të qeverive të Zvicrës e të Gjermanisë.

02.07.2008 Banorët e Dardhishtës së Obiliqit, bashkë me organizatën “Çohu”, kanë protestuar para qeverisë kundër ndërtimit të Termocentralit Kosova C.

02.07.2008 Qytetarët e Mitrovicës pritet të organizojnë një protestë të premten, kundër vendosjes së acidit sulfurikë në kompleksin metalurgjik Trepça, i cili ndodhet në qendër të këtij qyteti.

02.07.2008 Është penguar një tentim i ri për hyrje nga Kosova në Maqedoni të një ngarkese radioaktive, përmes vendkalimit kufitar Bllacë dhe kamioni është kthyer në Kosovë.

01.07.2008 Shefi i zyrës së UNDP-së në Kosovë, Frode Mauring, tha se zgjidhja e çështjeve në fushën e drejtësisë nuk është obligim i faktorit ndërkombëtar, por i institucioneve vendëse.

01.07.2008 OSBE ka shprehur mbështetjen e saj për forcimin e institucioneve demokratike në Kosovë. Këtë e ka konfirmuar sekretari i përgjithshëm i kësaj organizate, Mark Perin dë Brishambo, në mbledhjen e Asamblesë Parlamentare të OSBE së, në Astana të Kazakistanit.