Shoqeria civile, si tregues i konsumimit politik-Opinione

Blendi Fevziu Nese ne Shqiperi do te kishte nje sondazh qe te monitoronte perdorimin e nje fjale politike gjate nje periudhe kohe, java e pare e vitit 2005, padyshim qe do te ishte e dominuar nga togfjaleshi "shoqeri civile". Perdorimi dhe komentimi i saj ka qene aq i shpeshte, sa duket se ne zgjedhjet e ketij viti nuk do te konkurojne parti a grupime politike, sikur nuk do te ndeshen politikane, por perfaqesues te shoqerise civile. "PD, therret ne ndihme shoqerine civile", ishte titulli i nje gazete; po ne ate faqe dhe ne ate dite, vijonte titulli i dyte: "Nano takon shoqerine civile". Ne te vertete, pakkush e ka te mundur te sqaroje se pse ky ankth dhe kjo gare per ta perfshire ate qe ne rendom e therrasim "shoqeria civile" ne njeren ane te politikes apo ne tjetren; pse drejtuesit e partive nguten t'i rreshtojne OJQ - te perpara kamerave, te pozojne krah tyre apo duke debatuar me ta. Deri ne ate pike, sa ne nje dite te vetme, disa drejtues OJQ-sh qene te detyruar te vraponin, pa arritur as te drekonin, nga nje seminar i Berishes, tek nje takim i Nanos! Padyshim qe "shoqeria civile", OJQ-te dhe gjithe strukturat e tjera qe mund te perfshihen ne kete fjale, kane nje mision te percaktuar qarte dhe mjaft fisnik. Ky mission, as varet nga politika dhe as kryhet per hir te saj. Mbi te gjitha, ekzistenca e tyre, parashikon mosperfshirjen ne politike dhe nje rol komplementar, por here-here edhe opozitar me te. Sipas kesaj llogjike, OJQ-te mund te ndihmojne per permiresimin e programeve te nje partie apo te qeverisjes se vendit, por asnjehere nuk mund te mendohet, qe ato vete te perfshihen ne politike. Ne te kundert, misioni si nje njeri i shoqerise civile ka vdekur dhe ai qe merr nje vendim te tille, perfshihet ne politike. Por ne bote, OJQ-te rralle shihen si trampolina per t'u hedhur ne politike apo si nje dericke per te hyre aty! Ndaj, tezat e vazhdueshme te Kryeministrit per perfshirjen e shoqerise civile brenda PS-se dhe ato te liderit te Opozites, sipas te cilit PD do te qeverise me shoqerine civile, ose nuk duhen marre shume seriozisht, ose duhen pare ne kuadrin e konsultimeve normale te politikes per permiresimin e targetit te saj. Por nga ana tjeter, cili eshte shpjegimi i ketij vrulli per ta afishuar nje force politike apo nje tjeter si partnere te shoqerise civile apo edhe si pjese te saj? Pergjigjia e vetme dhe me e llogjikshme do te ishte se kjo gare vjen nga konsumimi i madh i figurave politike, mungesa e besimit tek ta dhe gjetja prej lidereve e rrugeve te reja qe mund t'i bejne forcat e tyre me atraktive dhe me te besueshme. Duke pare tek fytyrat e fresketa dhe here-here intelektuale te shoqerise civile, imazhin e nje politike te re, qe vartesit e tyre nuk e ofrojne dot. Por gjithcka eshte ende larg dhe me mire se sa artificet, do te ishte te rinovohej nje pjese e vete politikes, e taboreve qe mbushin Parlamentin dhe e atyre qe se shpejti do te aspirojne te hyjne aty! Taulant Bino, një nga këshilltarët e Komitetit të Orientimit të Politikave të Partisë Demokratike, shprehet keshtu ne lidhje me perfshirjene shoqerise civile ne politike: Përgjithësisht shoqëria civile ndjehet më e pastër dhe më e papërlyer për sa kohë ajo nuk është e ngatërruar më politikën. Por, çështja është që ndikimi që ajo ka në vendimarrje është i pakët. Sot për sot, për fat të keq OJF-të e kanë zërin të pafuqishëm, përjashto disa lëvizje të fundit që kanë treguar që shoqëria civile shqiptare po përparon. Për fat të keq gjendja e OJF-ve dhe ndikimi i tyre në politikë është ende i dobët dhe unë besoj se kjo nuk është çështje ditësh që ndikimi i tyre të rritet, por do të duhet një kohë e gjatë sepse ndikimi i tyre do te vijë bashkë me civilizimin e tërë shoqërisë shqiptare. Kur e gjithë shoqëria shqiptare të kuptojë rolin e OJF-ve, atëherë ato do të kenë ndikim të madh. Sot për sot ato kanë ndikim, por ka akoma nevojë për t’u rritur. Mendoj se është më e lehtë të ndërhyjë direkt në politikë se sa të ndjekësh kanalin e OJF-ve që e përcjell zërin në politikë jo shumë fort, madje shumë dobët.

Komentet e përdoruesve

Nuk ka komente.

 Version i printueshëm