Fondet e donatorëve ende të nevojshme për operacione të pastrimit të minave në Kosovë - KB

Gjashtë vite pasi që Aleanca Veriatlantike (NATO) shtyri trupat jugosllave jashtë Kosovës në mes të luftimeve ndërmjet shqiptarëve dhe serbëve, mina të pashpërthyera ende po marrin viktima në provincën e administruar nga Kombet e Bashkuara andaj fonde të vazhdueshme të donatorëve janë të nevojshme për operacione pastrimi. Minat e tokës © Nic Dunlop Paralajmërimet e përsëritura nga ana e Trupave të Mbrojtjes së Kosovës (TMK) ndaj publikut që mos të futen në fushat e shënuara me shirit apo me shenjën e minave apo edhe qasje në objekte të dyshimta, Misioni i Kombeve të Bashkuara i Administrimi të Përkohshëm të Kosovës (UNMIK) ka shënuar sot që vetëm këtë vit dy njerëz kanë vdekur dhe shtatë janë lënduar seriozisht në aksidente të tillla. Që nga prilli kur edhe përfunduan aktivitetet deminuese, mbi 1,200 mina dhe artileri e pashpërthyer (UXO) janë gjetur dhe shkatërruar, dhe mbi 2 milionë metra katrorë janë pastruar. Vitin e kaluar, një person ka vdekur dhe 13 janë lënduar seriozisht në 11 incidente, mbi 4,000 gjëra të minave he UXO-ve janë gjetur dhe shkatërruar në mbi 4 milionë metra katrorë të tokës së pastruar. Fonde të vazhdueshme nga donatorët janë të nevojshme për operacionet në vazhdim të organizatave joqeveritare ndërkombëtare (OJQ-ve) dhe për trajnim të ekipeve të TMK-së, të cilat së bashku kanë diku rreth 250 njerëz të angazhuar në pastrim ditor të minave dhe UXO-ve, ka thënë UNMIK-u. OJQ-të aktive në Kosovë janë Halo Trust, Handicap International dhe Mines Awareness Trust.

Komentet e përdoruesve