Seminar për zhvillimin e kapaciteteve për ruajtjen In-Situ dhe përdorimin e burimeve gjenetike të fermës

Instituti i Kërkimeve Zooteknike në bashkëpunim me Albagene-ASCDAnGR, me mbështetjen financiare të Organizatës së Kombeve të Bashkuara për Bujqësinë dhe Ushqimin (FAO), organizuan dje, në mjediset e hotel Tirana International, një seminar me temë: Zhvillim i kapaciteteve për ruajtjen In-situ dhe përdorimin e burimeve gjenetike shtazore të fermës. Në takim morri pjesë dhe ministri i Bujqësisë, Ushqimit dhe Mbrojtjes së Konsumatorit, Z. Jemin Gjana. Në fjalën e tij përshëndetëse ai vuri theksin në rivitalizimin që kërkon bujqësia shqiptare, politikat, rregulloret dhe mentaliteti se si është parë deri më sot kjo fushë prioritare për Shqipërinë. “Tashmë ka ardhur koha që edhe vendi ynë të ketë inventarin e fermerëve dhe të sektorëve të ndryshëm të bujqësisë dhe të blektorisë, për një fokusim më të mirë të punës dhe ndërhyrjeve që ne bëjmë së bashku për të cuar më përpara bujqësinë dhe blektorinë” – u shpreh, ministri. Z. Kristaq Kume, paraqiti objektivat, aktivitetet dhe rezultatet të pritshme të projektit. Ai u shpreh që kjo nismë është e para në të gjithë botën, në kuadër të strategjisë botërore që po hartohet nga FAO për mbrojtjen e kafsheve të fermës. “Shqipëria, - tha ai, është zgjedhur si vendi pilot për këtë nismë të FAOs për shkak të disa elementeve bazë që ajo përfaqëson”. Pjesa e dytë e takimi vijoi me diskutime mbi nismën. Qendra Rajonale e Mjedisit, REC Shqipëri

Komentet e përdoruesve