Promovohet filmi dokumentar “Për një Shqipëri pa OMGJ”

Tiranë, 22 dhjetor 2005. Në mjediset e Hotel Tirana, para një auditori të ambjentalisteve, aktorëve të tjerë të shoqerisë civile dhe disa mediave kryesore të vendit, u përurua filmi dokumetar “Për një Shqipëri pa OMGJ”. Dokumentari i prezantuar dha një tablo të përpjekjeve të ambjentalistëve në Shqipëri për të penguar futjen në Shqipëri të Organizmave të Modifikuara Gjenetikisht (OMGJ) në nje hark kohor më shume se 2vjet. Veç paraqitjes së një sërë aktivitetetsh të ambjentalistëve, në dukumentar paraqiten për herë të parë publikisht edhe dokumente që tregojnë reagimet e politikes në çështjen e OMGJve. Një pjesë të mirë në dokumentar zë edhe interpretimi shkencor i OMGJve. Dokumentari nis me një paraqitje të profilit të bujqësisë Shqiptare dhe përfundon me një alternativë të vlerësuar si më të mirë për të ardhmen e Shqipërisë, që është bujqësia organike, e cila po merr një kuptim e zhvillim të shpejtë në dy vitet e fundit në Shqipëri. Ky dokumentar publikohet në kohën që Ministria e Mjedisit e Shqipërisë ka përpiluar një draft nominal për OMGJ-të, në kuadër të Protokollit të Biosigurisë (i quajtur edhe Proptokolli i Kartagjenës), i cili është mbështetur në standartet e legjislacionit të BE-së për OMGJ-të. Dokementari u përgatit me mbeshtetjen e Qendrës Rajonale të Mjedisit për Evropën Qendrore dhe Lindore me fonde të siguruara nga Zyra e Kooperacionit të Ndihmës Evropiane të Komisionit Europian. Këtë dokumentar mund ta gjeni në DVD në zyrat e Shoqatës së Bujqësisë Organike.

Komentet e përdoruesve

Nuk ka komente.

 Version i printueshëm