VIVISECTfest – Festivali për të drejtat e njeriut në Sarajevë

VIVISECTfest – Festivali it ë drejtave të njeriut do të fillojë nesër në Sarajevë (4 Maj). Ky edicion i këtij viti në Sarajevë i Festivalit është vazhdimësi e një cikli festivalesh shëtitëse të mbajtura gjatë 2005 në Indjija, Beograd, Kikinda, Tuzla, Sombor, Berlin, Backa Palanka, Novi Becer dhe Novi Pazar, në bashkëpunim me organizatat locale partnere. Festivali do të mbyllet me 7 Maj 2006. VIVISECT 2006 VIVISECTfest synon të promovojë pjesmarrjen individuale të qytetarëve në proçesin e përballimit të së kaluarës, për të kapërcyer rrjedhojat e luftës dhe konfliktit në ish Jugosllavi; për të zbutur tensionet që mund të shkaktojnë fjalimet nacionaliste dhe ksenofobe në nivel lokal dhe rajonal; për të krijuar një shoqëri të qëndrueshme dhe të hapur të respektimin të ligjit dhe të drejtave të njeriut. Programi i VIVISECTfest është realizuar nëpërmjet përpjekjeve për bashkëpunim të Vojvodjanka – Nisma Rajonale e Gruas, QPSW, Fondacionit CURE, Sprofondo-Bezdan, XY Film Sarajevo. Në process ka asistuar Quaker Peace & Social Witness, Ombudosmani i Provincës së Vojvodinës dhe Shoqata e Gazetarëve të Pavarur të Vojvodinës. Festivali është iniciuar nga Vojvodjanka – Nisma Rajonale e Gruas, dhe festivali i parë VIVISECTfest është mbajtur në Novi Sad në fund të 2004. Qëllimi i festivalit është zhvillimi i edukimit të përvitshëm dhe forumit artistic për prezantimin dhe diskutimin e çështjeve të të drejtave të njeriut. Festivali është një rast, për here të parë në Serbi, për të shikuar shkaqet dhe pasojat e luftës në ish Jugosllavinë gjatë periudhës 1991-2001. Shumë ngjarje tragjike janë harruar apo dënuar. VIVISECTfest i parë i është dedikuar «Lufta në ish Jugosllavinë – e parë nga jashtë dhe nga brenda» dhe janë përdorur fotografi dhe filma dokumentarë për të nisur një diskutim publik në rajon për ngjarjet e të kaluarës. Për më shumë informacion vizitoni VIVISECTfest, ose shkruani në adresën gajickim@eunet.yu.

Komentet e përdoruesve