Mali i Zi voton për pavarësinë, raportojnë, CESID dhe CEMI

Sipas vlerësimeve të fundit të kryera nga CESID (Qendra për Demokraci dhe Zgjedhje të Lira) 55.3 për qind e qytetarëve të Malit të Zi votuan për Malin e Zi të pavarur gjatë referendumit të mbajtur dje. Mbështetësit e pavarësisë së Malit të Zi kremtojnë rrugëve Në orën 23:40, Zoran Lucic, Drejtor Ekzekutiv i CESID-it, raportoi rezultatet e projektuara të Referendumit, bazuar në të dhënat e dala nga 30 qendra vendvotimi. Në zgjedhjet e mëhershme, margjina e gabueshmërisë së CESID duke e bazuar projektimin në mostra të shtresuara asnjëherë nuk ka kaluar mbi 0.4 për qind. Sipas Lucic, ka zero probabilitet që rezultatet e zgjedhjes të bien nën shkallën e caktuar prej 55 për qindëshit. Qendra për Monitorim CEMI me bazë në Podgoricë raportoi se blloku i pavarësisë ka pranuar 55.5 për qind të votuesve, në bazë të 100 për qind të qendrave të vendvotimit. E njëjta e dhënë është prezantuar edhe mbrëmë nga Millo Gjukanoviq, Kryeministër i Mali të Zi. Ai u uroj qytetarëve të Malit të Zi shtetin e tyre të pavarur dhe shprehu bindjen e tij që shteti do të përshpejtojë progresin e vet drejt Integrimeve Evropiane. Duke ftuar mbështetësit e pavarësisë në një kremtim, Gjukanoviqi dërgoi një porosi që kremtimet nuk duhet të mbahen në një atmosferë në të cilën dikush do të "… ndjehej i turpëruar apo humbës". Gjukanoviq shtoi se nuk do të ketë asnjë humbës në shtetin e Malit të Zi. Komisioni Shtetëror për Referendumin ka paralajmëruar rezultatet e saja jozyrtare për mëngjesin e të hënën, 22 maj.