Filloi punimet Universiteti Veror i Prishtinës

Dje ka filluar zyrtarisht punimet Universiteti Veror i Prishtinës i cili do të zgjasë deri më 28 korrik të këtij viti. Mbi 2000 studentë kanë konkurruar në Edicionin e Gjashtë të këtij Universiteti Veror. Këtë vit në Universitetin Veror do të marrin pjesë afro 800 studentë dhe 30 ligjërues nga Kosova dhe bota. Zyrtarë të Universitetit të Prishtinës deklaruan se synimi i këtij universiteti është transferimi i dijes dhe i aftësisë në mbështetje të arriturave të fundit akademike dhe paraqitja e metodave ndërvepruese të mësimdhënësve. Në kuadër të këtij Universiteti Veror do të organizohen 15 kurse intensive trejavore nga elementë të ndryshëm, ku do të ligjerojnë profesorë vendorë dhe ndërkombëtarë. Universiteti Veror i Prishtinës, është organizuar për çdo vit që nga 2001 dhe ka sjellur mbi 300 profesorë dhe 3000 studentë nga Kosova, Evropa Juglindore dhe nga pjesa tjetër e botës. Universitetet Verore kanë përshpejtuar procesin e reformave në vijim dhe kanë ndihmuar Universitetin e Prishtinës për t'i përmbushur qëllimet e Deklaratës së Bolonjës.

Komentet e përdoruesve