Ombudspersoni i Kosovës lëshon raportin e gjashtë vjetor me radhë

Institucioni i Ombudspersonit në Kosovë ka lëshuar Raportin e tij të Gjashtë Vjetor me radhë (2005-2006), i pari i cili do t’i dorëzohet dretpërdrejt Kuvendit të Kosovës e jo siç ka ndodhur deri tani tek Përfaqësuesi Special i Sekretarit të Përgjithshëm të Kombeve të Bashkuara. Duke mbuluar periudhën nga 1 korriku 2005 deri më 30 qershor, 2006, Raporti shënon një vit tranzicioni për Institucionin përderisa ai lëviz kah kosovarizimi i tij i plotë. Duke përcjellur transferimin e udhëheqësisë nga nje trup ndërkombëtar në një Ombudsperson vendor, mandati i Institucionit është modifikuar nga një Rregullore e UNMIK-ut (2006/06) e nxjerrur në muajin shkurt. Kuvendi i Kosovës tani është në proces të rekrutimit të një Ombudspersoni të ri si dhe duke përgatitur Ligjin mbi Institucionin e Ombudspersonit. Raporti Vjetor paraqet një vlerësim të gjendjes së të drejtave të njeriut në Kosovë nga perspektiva e të ngarkuarit në rolin e Ombudspersonit, Z. Hilmi Jashari. Raporti gjithashtu paraqet mandatin, aktivitetet dhe perspektivat e të ardhmes së Institucionit të Ombudspersonit. Përkundër fazës vijuese të tranzicionit, Z. Jashari tha sot që Institucioni vazhdon të adresojë problemet me të cilat njerëzit përballen në baza ditore. Gjatë periudhës së raportimit, më shumë 4000 njerëz kanë kontaktuar Institucionin për të paraqitur ankesa apo për të kërkuar këshilla, dhe 78 Ditët e Hapura janë organizuara në zyrat qendrore dhe fushore të Institucionit. Mungesa e përgjegjësisë së administrimit publik, mbrojtja e pamjaftueshme e të drejtave të pakicave kombëtare, mungesa një sistemi të sigurisë shoqërore, korrupsioni, nepotizmi dhe krimi i organizuar janë faktorët kryesorë që kanë përhapur një sIstem të paqartësisë ligjore për qytetarët”, sa Z. Jashari. Këta faktorë kanë penguar funksionimin e duhur të autoriteve për zbatimin e ligjit dhe gjyqësorit. Raporti Vjetor gjithashtu thekson problemet e rritjes së margjinalizimit të çështjeve që kanë të bëjnë me të drejtat e njeriut në mes të bisedimeve të ngarkuara politike mbi statusin e ardhshëm të Kosovës. Z. Jashari ka ftuar krijuesit e politikave, udhëheqësit qeveritar dhe zyrtarët publik që të vazhdojnë me ndihmën e tyre ndaj Institucionit të Ombudspersonit dhe të zotohen që të bëjnë mbrojtjen dhe respektimin e drejtave të njeriut një realitet të sinqertë në Kosovë. Raporti Vjetor (2005-2006) mund të gjendet online në www.ombudspersonkosovo.org.

Komentet e përdoruesve