Kroacia duhet tu bashkohet përpjekjeve për të ndaluar luftën

Shoqata ambientaliste Osijecki Zeleni i bëri thirrje qeverisë së Kroacisë të përdorë Komisionin e Paqes në OKB, dhe veçanërisht statusin e saj si një vend kanditat për anëtarësim të plotë në BE, të bëjë përkjekje të forta drejt ndalimit të menjëhershëm të luftës në Liban. Osijecki Zeleni kërkon nga qeveria të dënojë vrasjen e vëzhguesve të OKB-së dhe të mbështesë idenë e krijimit të një misioni të OKB për mbrojtjen dhe vendosjen e paqes në Liban si dhe në vendet e tjera të Lindjes së mesme të përfshira në konflikt. “Si një vend që ka qenë vetë viktimë e luftës dhe akoma vuan pasojat e saj, Kroacia ka përgjegjësinë që tu bashkohet përpjekjeve për të ndaluar luftën në Liban dhe të ndalojë fillimin e një lufte fatale rajonale dhe ndoshta të një lufte bërthamore në Lindjen e Mesme”, thuhet në deklaratën për shtyp të shoqatës. Osijecki Zeleni shpreh shqetësimet e saj mbi rritjen e dhunës në Liban dhe Lindjen e Mesme, dhe mosaprovimin e saj për trajtimin e bërë nga vendet më të fuqishme të botës për këtë gjenocid dhe ekocid. “Çdo luftë dhe konflikt i armatosur shkatërron natyrën, shteron burimet, shkatërron shoqërinë dhe krijon racizmin. Në fakt, 61 vjetori i lëshimit të bombës bërthamore mbi Hiroshima dhe Nagasaki (Gusht 1945) do të përkujtohet me luftimet e ashpra në Liban, Izrael dhe Rripin e Gazës. Udhëheqësit e politikës në botë nuk mund të bëjnë një gabim tjetër dhe të përdorin armët bërthamore qysh se ato mbeten problemi më i madh për mbijetesën e njerëzimit”, vijon deklarata.

Komentet e përdoruesve