Në 30 komuna të Kosovës fillon projekti “Urat e Miqësisë”

Projekti që synon të nxisë komunikimin në mes qytetarëve dhe institucioneve komunale dhe që ka filluar të zbatohet në 30 komuna të Kosovës, “Urat e Miqësisë”, është publikuar të enjten nga Organizata për Siguri dhe Bashkëpunim Evropian (OSBE). Ky projekt është bazuar në një projekt të mëhershëm të titulluar “Urat Civile” dhe sipas Oyvind Sembit, drejtor i Departamentit për Demokratizim në këtë organizatë, ai do t’u ndihmojë komunave në përfshirjen e qytetarëve dhe në vendosmërinë e përfaqësuesve lokalë për t’u bërë më të efektshëm në shërbimet e tyre. “Synim i projektit është të përmirësojë komunikimin në mes qytetarëve dhe institucioneve komunale, nëpërmjet mbështetjes për iniciativa të evokimit lokal”, tha Semb. Projekti ka filluar të zbatohet në 10 fshatra të 30 komunave të Kosovës dhe në tre pilot-njësi komunale, duke përfshirë këtu edhe fshatrat serbe, ku do të bëhet identifikimi i nevojave të këtyre qytetarëve dhe mekanizmave institucional. Asociacioni “ Urat e Miqësisë” është themeluar nga pesë organizata joqeveritare ndërsa buxheti i përgjithshëm për këtë projekt është 198 mijë euro. Projekti do të zbatohet deri në maj të vitit 2007.

Komentet e përdoruesve