Memorandum bashkëpunimi mes MJAFT dhe Universitetit të Shkodrës, kundër korrupsionit

Me iniciativën e Lëvizjes MJAFT e mbështetur nga shoqata “IRSH”(Intelektualët e Rinj,Shpresë) në Shkodër, është nënshkruar me universitetin e këtij qyteti një “Momerandum Bashkëpunimi , në Luftë Kundër Korrupsionit në Universitet”. Në këtë momerandum si lëvizja “Mjaft” por edhe Universiteti “Luigj Gurakuqi” angazhohen të bashkëpunojnë në kuadër të luftës për një transparencë publike dhe gjithashtu synohet të rritet lufta kundër praktikave korruptive, duke kthyer besimin në institucionet. Në sallën e rektoratit të universitetit të Shkodrës për të nënshkruar këtë marrëveshje ishin rektori i “Luigj Gurakuqit” zoti Mahir Hoti, kreu i lëvizjes “Mjaft” Erion Velia, kreu i “IRSH” Blendi Dibra, dekanë, profesorë dhe studentë të këtij universiteti etj. Përpara mediave, rektori Hoti në fjalën e tij ishte dakort me këtë inisiativë dhe deklaroi gjithashtu se “nuk ishte kaq e thjeshtë kjo luftë dhe që ka të bëjë në rradhë të parë me konceptin i cili është i fshehur në ndërgjegjen dhe mëndjen e gjithsekujt”. Rektori Hoti deklaroi se kjo luftë kundër korrupsionit do të jetë e gjatë dhe ne në universitet kemi pasur dikur inisiativa të tilla, por ai tha gjithashtu se koncepti ligjor mbi luftën e korrupsionit ishte vetëm në organet kopetente. Në fjalën e tij zoti Velia sqaroi se ky diskutim është nisur dhe mbështetur nga BB-ja për mënyrën se si mund të eleminohen disa çështje të korrupsionit. Ne të gjithë flasim për korrupsioni tha ai, por faktet shpesh herë mungojnë. Kështu që idea konkrete e jona e deklaruar edhe te BB-ja ishte të vendosim një kuti e cila do të vijë pas një jave në Shkodër tha Velia. Ajo do të vendoset në çdo fakultet dhe çdo student mund të shkruaj një ankesë dhe shqetësim apo të denocojë një akt korrupsioni. Pra në bazë të kësaj sipas Velisë, do të kishte një komision të rektoratit, studentëve dhe pedagogëve të cilët do të studionin ankesat. Por zoti Velia deklaroi qartë, se kjo gjë nuk do të jetë “kurrsesi zëvëndësuese për gjykatën” por ne shpresojmë se minimalisht të ketë një efekt psikologjik. Pastaj rektori Hoti dhe drejtuesi i lëvizjes “Mjaft” Velia, nënshkruan sëbashku “Momerandumin prej 6-së pikash” i cili është nënshkruar edhe me univesitetin e Tiranës dhe tani edhe në Shkodër, si universiteti i dytë i madh në vënd dhe i fundit i dalë nga sondazhet, për nivelin e korrupsionit, duke qënë kështu më i miri në këtë drejtim në Shqipëri. Gjithsesi ky projekt tashmë i firmuar në Tiranë edhe Shkodër u konsiderua pilot nga vetë firmatarët.

Komentet e përdoruesve