Festivali “One World” mbahet në dhjetor

Edicioni i sivjetmë i Festivalit Ndërkombëtar për të Drejtat e Njeriut “One World”, do të mbahet prej datës 4 deri më 10 dhjetor në Prishtinë. Në edicionin e sivjetmë të këtij festivali që trajton temat nga fusha e të drejtave të njeriut ndërsa që në Kosovë organizohet në bashkëpunim me Këshillin për Mbrojtjen e Lirive dhe të Drejtave të Njeriut (KMDLNJ) , do të marrin pjesë 30 filma dokumentarë, 8 prej të cilëve (të autorëve kosovarë dhe të huaj) që trajtojnë në veçanti të drejtat e pakicave. Siç kanë bërë të ditur për mediet kosovare organizatorët e këtij evenimenti kulturor, tashmë ka filluar faza përfundimtare e përgatitjeve për këtë festival, ndërsa është duke u kryer titrimi i filmave në gjuhën shqipe. Edhe këtë vit juria e festivalit do të japë shpërblimin për filmin më të mirë dokumentar si dhe një çmim për kontributin më të madh në fushën e të drejtave të njeriut.

Komentet e përdoruesve