MOST: Ministria e Ambientit e obligueshme për një shtet ekologjik

Bazuar në informatën së në kabinetin e Qeverisë së re të Malit të Zi, nuk do të ekzistojë Ministria e Ambientit, Qendra Informative për Zhvillim dhe Kulturë – MOST i ka bërë thirrje mandatarit për formimin e qeverisë, Zeljko Sturanovic, që ta sigurojë vazhdimësinë e Ministrisë së Ambientit. "Nëse ka pasur konflikt në Ministrinë për Mbrojtjen e Ambientit rreth kompetencave që kishin të bënin me ekologjinë dhe ekonominë, si mund të funksionojë e gjithë kjo kur ekologjia do të jetë nën kompetenca të Ministrisë së Turizmit ndërsa hapësira do të menaxhohet nga Ministria e Ekonomisë? Ne besojmë, se në vendin ku presioni disa dekadash ka krijuar një mori vrimash të zeza në ambient askush nuk do të dëshironte të destabilizojë qeverinë duke e instaluar këtë konflikt të kompetencave”, thekson MOST në deklaratën publike. MOST ka shtuar bindjen e tij se Mali i Zi Ekologjik do të ketë përkrahjen e njëjtë sikur Mali i Zi Evropian, ndërsa i ka rekomanduar Sturanovicit që të sigurojë kontinuitetin e Ministrisë së Ekologjisë, dhe, sipas mundësisë ajo të drejtohet nga një femër, e cila do t’i bashkohej ministres për integrime evropiane, që është e vetmja femër në kabinetin e ri qeveritar. Kjo organizatë po ashtu ka bërë të ditur se do t’i njoftojë të gjithë faktorët politik me peticionin e përkrahur nga 4000 qytetarë të mbledhur rreth fushatës “Ekologjik do të thotë evropian”, për të kërkuar mbështetjen e tyre për plotësimin e kërkesave të cekura në peticion.

Komentet e përdoruesve

Nuk ka komente.

 Version i printueshëm