Forumi Kombëtar Urban "Qyteti Nesër?!"

Forumi Urban "Qyteti Nesër?!" zhvillohet në datën 22 Nëntor 2006, ora 9:00, në ambientet e Hotel Sheraton, i organizuar nga Co – Plan në bashkëpunim me Ministrinë e Brendshme dhe Shoqatën e Bashkive të Shqipërisë. © Co-Plan Në këtë aktivitet marrin pjesë zv/ministri i brendshëm Ferdinand Poni, zv/ministri i Ministrisë së Punëve Publike, Transportit dhe Telekomunikacionit z.Stavri Ristani, Ambasadori hollandez në Tiranë, përfaqësues të PNUDit, komisionit Europian, Bankës Botërore, ambasadës amerikane, USAID, ambasadës austriake, zviceriane, përfaqësues të organizatave dhe institucioneve të vendit dhe të huaja, përfaqësues të pushtetit lokal si kryetarë të bashkive e komunave më të mëdha në vend, prefektë, kryetarë të këshillave të qarqeve në vend, drejtorë drejtorish, specialistë etj. Qëllimi i Forumit Urban është të shpërhapë dhe ballafaqojë eksperiencën e krijuar nëpërmjet projektit “Për një qeverisje të mirë urbane-EGUG” në bashkitë e Elbasanit dhe Fierit, duke nxitur debatin dhe shkëmbimin institucional. Objektivi i tij është: Përhapja e përvojës së fituar me aktorë të rëndësishem, autoriteteve të pushtetit vendor, institucioneve qendrore, si dhe organizatave të ndryshme të zhvillimit që operojnë në Shqipëri, nga të cilat është e nevojshme edhe këndvështrimi kritik në vlerësimin e modelit të paraqitur. Nxitja e reflektimit dhe debatit mbi instrumentat e qeverisjes së mirë me pjesëmarrje. Duke paraqitur argumenta të një pervoje konkrete ushqehet një debat konstruktiv në lidhje me domosdoshmerinë e strategjive të zhvillimit të qytetit; zbatimit efikas të instrumentave të planifikimit strategjik, planifikimit të territorit, menaxhimit të informacionit dhe buxhetimit me pjesëmarrje, në funksion të strategjive të zhvillimit të qyteteve, etj. Eksplorimi i mundësisë së vazhdimit të nismave të tilla, bazuar në interesat dhe përgjegjësitë e përbashkëta që kanë qeverisja vendore dhe organe të pushtetit qendror. Përmes diskutimeve të përbashkëta të hidhet vështrimi mbi krijimin e sinergjive dhe unifikimin e iniciativave në fushën e zhvillimit të qyteteve, si motorë të zhvillimit ekonomik të vendit.

Komentet e përdoruesve