UMHCG: ICT për një jetë aktive të njerëzve me aftësi të kufizuara

Shoqata e të rinjve me aftësi të kufizuara në Mal të Zi (UMHCG), u ka bërë thirrje të gjithë personave kompetentë në këtë vend, që të angazhohen për krijimin e një shoqërie gjithëpërfshirëse të informuar, si dhe, t’i rrisin përpjekjet e tyre për t’iu siguruar këtyre personave, të drejtat e tyre njerëzore dhe në mënyrë të barabartë të marrin pjesë në çështjet ekonomike, sociale dhe politike në Mal të Zi. Më rastin e 3 dhjetorit, Ditës ndërkombëtare të personave me aftësi të kufizuara, UMHCG ka bërë të ditur se theksi i aktiviteteve këtë vit është orientuar në përparimin e normave dhe standardeve ndërkombëtare, që kanë të bëjnë me personat me aftësi të kufizuara, si dhe për rritjen e pjesëmarrjes së tyre në jetën shoqërore dhe zhvillim sipas parimeve të barazisë. "Kremtimi i sivjetmë i 3 dhjetorit i kushtohet përmirësimit të qasjes ndaj teknologjisë së informimit për njerëzit me aftësi të kufizuara. Duke pasur mundësinë e qasjes në të, teknologjitë e informimit u mundësojnë individëve të arrijnë tërë potencialin e tyre, ndërsa, personave me aftësi të kufizuara u mundësojnë të marrin rol aktiv në zhvillimin e shoqërisë”, thuhet në komunikatën e UMHCG-së.

Komentet e përdoruesve

Nuk ka komente.

 Version i printueshëm