Shqipëria në moshën e internetit

Projekti ”Shqipëria në moshën e internetit”, i financuar nga PNUD brenda 6-mujorit të parë të 2007 do të bëjë të mundur që në të gjitha shkollat e mesme të kenë akses në internet dhe pas 2 vitesh të gjitha shkollat e vendit. Këshilltari për Teknologjonë e Informacionit pranë kryeministrit Pjerin Marku, është shprehur kohët e fundit se: “Shqipëria në moshën e internetit” është një ndër projektet që qeveria shqiptare është duke zhvilluar me PNUD-in dhe donatorë të tjerë, i cili do të bëjë që brenda tre vjetëve çdo shkollë të ketë laborator informatike dhe lidhje broadband internet, pra internet të shpejtë”. Nga ana tjetër Marku theksoi faktin se Albtelekomi është duke kryer blerjen e portave të ADSL-së, një investim më pak se 8 milionë dollarë në mënyrë që çdo përdoruesi të telefonit në Shqipëri të ketë mundësi t’i ofrojë internet. Në lidhje me këtë projekt kryeministri Sali Berisha ndodhet në Edinburg të Skocisë në Forumin Global të Liderëve që organizohet nga Korporata Microsoft dhe pritet të nënshkruajë me drejtuesin e Microsoft, Bill Gates, një marrëveshje bashkëpunimi midis Qeverisë së Shqipërisë dhe Korporatës Microsoft.

Komentet e përdoruesve

Nuk ka komente.

 Version i printueshëm