Thirrje për projekte në kuadër të programit të granteve të vogla

Programi i Granteve të Vogla pranë Soros mundëson zhvillimin e bashkëpunimit ndërmjet grupeve të ndryshme të komunitetit, nxit dhe promovon dialogun për probleme të ndryshme që shqetësojnë shoqërinë shqiptare, ofron mbështetje për OJF që punojnë për konsolidimin e komunitetit, etj. Ky program për vitin 2007 ka për qëllim të nxisë dhe promovojë pjesëmarrjen qytetare për një qeverisje në shërbim të qytetarit dhe nisma që promovojnë vullnetarizmin dhe pergjegjësinë sociale duke përfshirë një numër të madh partnerësh tradicionale dhe të rinj në aktivitete trysnie, mbrojtje dhe lobimi me qeverinë qendrore dhe vendore. Prioritet do të kenë projektet që do të trajtojnë problemet e mëposhtme: - Krijimin dhe /ose konsolidimin e lëvizjeve të shoqërise civile, të cilat promovojnë pjesmarrjen aktive të organizatave jofitimprurese dhe grupeve të interesit në procesin e vendimarrjes sociale dhe ekonomike. - Projekte që ndërmarin nisma për mbrojtjen e interesave qytetare si dhe nisma për përmirësimin e gjendjes së komuniteve, veçanërisht të shtresave vulnerabël dhe të mënjanuara. - Kultivimi i kulturës së bashkëjetesës në komunitet dhe në mënyrë të veçantë i ndjenjës së solidaritetit dhe vullnetarizmit. Në këtë program janë të ftuara të aplikojnë organizata joqeveritare që punojnë me komunitetin, grupe pune dhe institute të përpunimit të politikave që veprojnë në këto fusha. Shuma e financuar do te jete deri ne 7500$. Këtë informacion dhe formularët e aplikimit i gjeni në faqen e internetit: www.soros.al, ose të interesuarit mund të paraqiten pranë sekretarisë së Fondacionit Soros për të tërhequr formularët dhe për t'u njohur me kriteret e aplikimit në Programin e Granteve te Vogla. Forma e aplikimit dhe dokumentat e tjera të nevojshme duhet të dorëzohen pranë Zyrës së OSFA në adresë të Programit të Granteve të Vogla deri me 25 mars 2007 në adresën e mëposhtme: Fondacioni Shoqëria e Hapur për Shqipërinë (Fondacioni Soros) Rruga "Pjetër Bogdani", Nr.23 Tel:34621/34223/35856 Fax: 35855

Komentet e përdoruesve

Nuk ka komente.

 Version i printueshëm