OJF-të në Shqipëri bien dakord që të përgatisin raportin alternativ të KDF-së

Qendra për Mbrojtjen e të Drejtave të Fëmijëve në Shqipëri (CRCA), në kuadër të programit të saj “Të Drejtat e Fëmijëve, një e Drejtë Demokratike”, si dhe duke dashur që të sigurojë një mbrojtje dhe zhvillim më të mirë të të drejtave të fëmijëve në vendin tonë, bëhet iniciuese për organizimin dhe fillimin e punës për hartimin e Raportit Alternativ “Situata e Zbatimit të Konventës së të Drejtave të Fëmijëve në Shqipëri”. Takimi i OJF-ve per KDF © crca Për këtë qëllim si edhe për të krijuar një grup pune për hartimin e raportit, CRCA organizoi një takim koordinues të të gjithë partnerëve të interesuar nga shoqëria civile, në të cilin pati një pjesmarrje të konsiderueshme. Qëllimi kryesor i raportit do të jetë monitorimi i gjendjes së të drejtave të fëmijëve në Shqipëri si dhe zbatimi i Konventës për të Drejtat e Fëmijëve gjatë viteve 2004-2007, për të siguruar një mbrojtje dhe zhvillim më të mirë të të drejtave të tyre në vendin tonë. Synohet që në këtë raport të pasqyrohet në mënyrën më të mirë të mundshme gjendja reale e të drejtave të fëmijëve në Shqipëri, si dhe të dilet me konkluzione dhe rekomandime konkrete.

Komentet e përdoruesve