Trajnim mbi Bankat e Zhvillimit Ndërkombëtar

Ekolëvizja,Qendra EDEN (qendra mjedisore për zhvillim, edukim dhe rrjetëzim) dhe CEE Bankwatch Network (Rrjeti Vëzhgues i Investimeve Bankare për Evropën Jug Lindore) do të zhvillojnë një trajnim dy ditor me datat 14-15 Prill në Hotel Tropikal Durrës mbi Bankat e Zhvillimit Ndërkombëtar (MDBs). Trainimi do të fokusohet në mënyrën e operimit të tre MDBs – bankës Europiane për Ndërtim dhe Zhvillim (EBRD), Bankës Europiane të Investimeve (EIB) dhe Bankës Botërore (WB) – në Evropën Qëndrore dhe Lindore dhe në Shqipëri. CEE Bankwatch Network do të prezantojë eksperiencën e tyre me hartimin dhe zbatimin e politikave dhe instrumenteve bankare si dhe mësimet e nxjerra nga fushatat mbi projektet e financuara nga MDBs. Aplikimet mund të dërgohen me e-mail në adresën : info@eden-alb.orgdhe afati i fundit është 31 Mars 2007. Aplikimi duket të përmbajë: emrin e aplikuesit, emrin e OJF-së, pozicionin e aplikuesit në OJF, kontaktet si e-mail, telefon, adresa, website (nëse ka). Aplikantët duhet të përgatisin një dokument përmbledhës në të cilin të prezantojnë një projekt që është financuar, po financohet apo ka mundësi të financohet nga MDB (EBRD, World Bank dhe EIB) në qytetin, rajonin apo vendin e tyre. Dokumenti përmbledhës 1 – 2 faqe duhet strukturuar sipas termave të referencës së mëposhtëme dhe të shkruhet mundësisht në anglisht. Pjesa më e madhe e informacionit të mbledhur do të finalizohet pas trainimit dhe do t’i prezantohen bankave të sipërpërmendura, institucionet dhe mediat ndërkombëtare. Bazuar mbi njohuritë e marra gjatë trainimit, pjesmarrësit do të jenë të aftë të ndjekin monitorimin e këtyre projekteve duke kërkuar informacione nga bankat financuese, zyrat e shtetit apo autoritete të tjera. Aplikantët që do të kenë vështirësi në përgatitjen e dokumentit përmbledhës duhet të paraqesin një letër interesi dhe motivimin e tyre për pjesmarje në trainim. Letra duhet të jetë e shkruar në anglisht me rreth 250-350 fjalë. Dokumenti përmbledhës duhet të dërgohet në formë elektronike tek: info@eden-alb.orgjo më vonë se një javë përpara trainimit.

Komentet e përdoruesve

Nuk ka komente.

 Version i printueshëm